Dan Uzan
![](http://178.128.105.246/cars-http-upload.wikimedia.org/wikipedia/commons/thumb/1/16/Flowers_in_front_of_the_Copenhagen_Syngagoue_after_2015_Copenhagen_attacks.jpg/170px-Flowers_in_front_of_the_Copenhagen_Syngagoue_after_2015_Copenhagen_attacks.jpg)
Dan Uzan (føddur 1977, deyður 15. februar 2015) var ein danskur kurvabóltsleikari, samfelagsfrøðingur, vaktarmaður, ið hoyrdi til jødiska samfelagið í Danmark, og sum bleiv myrður orsakað av sínarai trúgv av einum muslimskum yvirgangsmanni undir yvirgangsálopunum í Keypmannahavn hin 14. og 15. februar 2015. Skotálopið á synagonguna hendi umleið ein hálvan tíma eftir miðnátt. Seinnapartin dagin fyri fór eitt annað skotálop fram móti Krudttønden í Keypmannahavn, har ein maður doyði og tríggir løgreglumenn vóru særdir. Hann varð útbúgvin samfelagsfrøðingur (cand. polit.). Hann hevur starvast fyri SAS og fyri Tiger-handilsketuna. Foreldur hansara vóru av donskum og ísraelskum uppruna, mamman er donsk, pápin er ísraeli. Dan var næstelstur og vaks upp í Hvidovre. Hann gekk í jødiska skúlanum, Carolineskolen. Hann spældi fótbólt í jødiska felagnum Hakoah, sum málmaður, og luttók í fimm altjóða jødiskum ítróttastevnum, Maccabiadur, og umboðaði Danmark og felagið sum málmaður.[1] Eitt skifti búði hann í Ísrael, har hann lærdi seg hebraiskt.[2]
Lívsleið og deyði
[rætta | rætta wikitekst]Lívsleið sum ítróttamaður
[rætta | rætta wikitekst]Dan Uzan var 205 cm høgur. Hann spældi kurvabólt frá 1996 við danska felagnum Hørsholm 79ers. Fyrst spældi hann við ungdómsliðnum, síðan spældi hann í meistaradeildini og frá 2010 spældi hann sum veteranur við Høbas, sum er eitt veteranlið í sama felag.[3][4]
Uzan hevur eisini spælt fótbólt við jødiska fótbóltsfelagnum Hakoah í fleiri ár, hann var málmaður.[5][6] Fótbóltsvenjari hansara, Tage Skolnik, ið var venjari hjá Dan Uzan frá 1995 til 2007, minnist hann sum ein góðan vin, ið altíð møtti til venjing.
Myrður í yvirgangsálopi
[rætta | rætta wikitekst]Dan Uzan, ið var 37-ára gamal, tá ið hendingin fór fram, stóð sum vaktarmaður uttanfyri eitt mentanarhús, ið var aftanfyri jødisku synagoguna í Krystalgade í Keypmannahavn, tá ið tann mistonkti drápsmaðurin, hin 22 ára gamli Omar Abdel Hamid El-Hussein, skeyt Dan í høvdið. Hann doyði av skotunum. Dan stóð sum sjálvboðin vaktarmaður uttanfyri synagonguna, meðan ein ein veitsla fór fram í einum høli inni í synagoguni, tí ein genta helt sína bat mitzva (svarar nøkulunda til eina konfirmatión). Tveir løgreglumenn vóru eisini raktir av skotum í armar og bein, men vóru ikki í lívsvanda. Dan Uzan varð eftir álopið og deyða sín heiðraður sum ein hetja, tí hann var við til at forða fyri at eitt hópdráp kundi fari fram, um yvirgangsmaðurin slapp inn í synagoguna, har umleið 80 fólk vóru.[7]
Jarðarferðin
[rætta | rætta wikitekst]Dan Uzan fór til jarðar hin 18. februar 2015. Fleiri hundrað fólk fylgdu honum til jarðar, millum onnur vóru danski forsætisráðharrin, Helle Thorning-Schmidt og løgmálaráðharrin Mette Frederiksen og fylgdu.[8] Hann varð grivin í Mosaisk Vester Begravelsesplads.[9]
Heiður
[rætta | rætta wikitekst]Uzan varð í 2015 heiðraður posthumt av franska ríkinum við heiðursmerkinum Médaille du Courage (dirvismedaljan).[10] Í desember sama árið, varð hann av danska tíðindablaðnum Berlingske valdur til Ársins dana fyri árið 2015.[11]
Keldur
[rætta | rætta wikitekst]- ↑ kristeligt-dagblad.dk
- ↑ haaretz.com - Slain Jewish guard in Denmark was 'irreplaceable', skrivað hevur Daniel Estrin, 15. feb. 2015.
- ↑ hbbk.dk - Klubkammerat offer for terrorangrebet i nat
- ↑ basketball.eurobasket.com
- ↑ "blogs.forward.com". http://blogs.forward.com/forward-thinking/214961/copenhagen-terror-stole-my-friend-dan-uzan/. Heintað 2015-02-22.
- ↑ haaretz.com - Danish Jew killed at synagogue: A guard on the pitch, a guard for his people, skrivað hevur Benjamin Krasnik / Kristeligt Dagblad, 21. feb. 2015
- ↑ Algemeiner.com - Details of Attack Emerge as Copenhagen Synagogue Security Guard Dan Uzan Hailed as Hero
- ↑ euronews.com - Hundreds mourn Jewish guard Dan Uzan at Copenhagen funeral
- ↑ bt.dk - Se billederne: Statsministeren forlod begravelsen af Dan Uzan i tårer
- ↑ "Frankrig hædrer ofrene for attentaterne i København". Den Franske Ambassade i København. 9. november 2015. http://www.ambafrance-dk.org/Frankrig-haedrer-ofrene-for-attentaterne-i-Kobenhavn. Heintað 2015-12-09.
- ↑ Anna Gottschalck og Henrik Jensen (8. december 2015). "Årets Dansker betalte den ultimative pris". Berlingske. http://www.b.dk/nationalt/aarets-dansker-betalte-den-ultimative-pris.