Gâra de Liyon-Jian-Macé

Cél articllo est ècrit en arpitan liyonês / ORB lârge.

La gâra de Liyon-Jian-Macé, tot-pariér la gâra Jian-Macé, avouéc lo nom inicial "halta Jian-Macé" est na gâra ferroviére arpitana^{[V 1]} et pués francêse des lignes^{[V 2]} depués^{[V 3]} Liyon-Pèrrâche jusqu'a^{[V 4]} Marselye-Sant-Charlo (via Grenoblo) et depués Paris Gâra de Liyon jusqu'a Marselye-Sant-Charlo. El est situâ u crouésement des avegnues Jian Jôrés et pués Berthelot, a 171 métros de hiôtor diens lo sèptiémo arrondissament de Liyon, ch·èf-luè de la Mètropola de Liyon et de la règ·ion Ôvèrgne-Rôno-Ârpes.

El a aviu étâ uvèrta en 2009, por la SNCF (Sociètât Nacionala des Chemins de Fèr francês).

O-v est^{[V 5]} na gâra de voyagiors SNCF desservie por des trens TER Ôvergne Rôno-Ârpes. El est asse-ben un pouent de correspondance multimodâl avouéc lo tren, lo mètro B et pués lo tramevê T2.

Situacion ferroviére

La gâra de Liyon-Jian-Macé est enstalâ^{[V 6]} u pouent kilomètrico PK 512,2 de la ligne depués Paris-Liyon jusqu’a Marselye Sant-Charlo, entre-mié les gâres de Liyon-Pèrrâche et de Sent-Fons, et pués sur la ligne de Liyon-Pèrrâche jusqu’a Marselye Sant-Charlo (via Grenoblo), entre-mié les gâres de Liyon-Pèrrâche et de Vènissiœx.

El est asse-ben sur lo trajèt de la ligne de Liyon-Pèrrâche jusqu'a Geneva (frontiére), mas o y at gins de quê que pôt étre desservi sur ceta ligne.

Histouère

Céla gâra est diens lo projèt BEEL (Baragne Express de l'Ére mètropolitêna Liyonêse)^{[N 1]}, por dèchargiér du trafic depués les gâres de Pârt-Diô et Pèrrâche, avouéc des accès depués la baragne des TCL (Transpôrts en Comon Liyonês).

En 2004, la gâra devêt étre na simpla halta sens personèl, mas l'anciéna règ·ion Rôno-Ârpes att demandâ l'èvolucion du projèt avouéc la crèacion d'un guichèt avouéc personèl. El at étâ inogurâ^{[V 7]} lo 8 de dècembro 2009^[1] et uvèrte u trafic voyagiors 5 jorns aprés.

El se trove u pont ferroviére sur l'avegnue Jian Jôrês, u crouèsement avouéc l'avegnue Berthelot. U pllan-pied, o y at doux sales d'entrâ, desot lo pont, de pârt et d'ôtra de l'avegnue. Des ascensors permetont de rejouendre lo quê centrâl de 250 métros de long, desservi por los trens.

Frèquentacion

La SNCF estime lo trafic a 1 181 281 voyagiors en 2019^[2].

Sèrvices ux voyagiors

Reçua

Gâra de la SNCF, el at un guichèt uvèrt du delon u dessando et fermâ lo demenche et los jorns de fétes. O y at des ôtomatos por achetar des belyéts de tren^[3].

Dèssèrta

Tués los jorns, la gâra est dèssèrvie por des trens TER Ôvèrgne-Rôno-Ârpes, des relacions :

dês Liyon-Pèrrâche (ou bien Mâcon-Vela) a Valence, Piérralata ou Avignon-Centro
dês Liyon-Pèrrâche (ou bien Velafranche) a Vièna
dês Liyon-Pèrrâche a Sant-André-lo-Goua

Entèrmodalitât

O y at un pârc por los vèlos avouéc un sèrviço de locacion, et un ôtro por les vouètures.

Diens los hals, o y at des ècrans d'acuely avouéc les endicacions por los prochens trens, et por lo mètrô B et lo tramevê T2.

Les lignes de bus C4, C7, C12, C14, 35 et 64 sont a proximitât de la gâra.

Fresca du centenére

Tot u long de l'avengnue Berthelot, o y at un carnet de voyâjo avouéc 24 paniôx^{[V 8]} a la hiôtor des voutes de sotien. Inôgurâ lo 1^ér de jouin 2012, il relate l'histouère du quartiér de la Guilyotiére^[4].

Notes et rèferences

Rèferences

Notes

↑ En francês, REAL (Réseau express de l'aire métropolitaine lyonnaise)

Vocabulèro

↑ Varianta liyonêse [ar.pi.ˈtaː.na] de « arpetana » a f.
↑ Varianta liyonêse [ˈli.ɲi] de « legnes » fpl.
↑ Varianta liyonêse [də.ˈpɥi] de « dês » prèp.
↑ « jusqu’a » [ʒys.ˈk‿a] loc prèp est lo parlament liyonês por « tant qu’a » loc prèp.
↑ Varianta liyonêse [ɔ.ˈv‿e] de « o est » loc v.
↑ Varianta liyonêse [ɛ̃.sta.ˈlo] de « enstalâye » a f.
↑ Varianta liyonêse [i.no.gy.ˈro] de « inôgurâye » a f.
↑ Varianta liyonêse [pa.ˈŋo] de « panéls » pl.

Articlos liyês

Wikimedia Commons propôse de documents multimèdia libros sus la gâra de Liyon-Jian-Macé.

[9] ttp://www.lyon.lyftv.com/2009/12/sncf-la-gare-jean-mace-nouvelle.html#.WEJeginbtTY

[10] ttps://ressources.data.sncf.com/explore/dataset/frequentation-gares/table/?q=87282624

[11] ttps://www.ter.sncf.com/auvergne-rhone-alpes/gares/87282624/Lyon-Jean-Mac%C3%A9/pratique

[13] ttps://web.archive.org/web/20161108052111/http://cite-creation.com/infos-fresques/la-fresque-du-centenaire-lyon-7e-sera-inauguree-le-9-mars-2012/

[7] En francês, REAL (Réseau express de l'aire métropolitaine lyonnaise)

[1] Varianta liyonêse [ar.pi.ˈtaː.na] de « arpetana » a f.

[2] Varianta liyonêse [ˈli.ɲi] de « legnes » fpl.

[3] Varianta liyonêse [də.ˈpɥi] de « dês » prèp.

[4] « jusqu’a » [ʒys.ˈk‿a] loc prèp est lo parlament liyonês por « tant qu’a » loc prèp.

[5] Varianta liyonêse [ɔ.ˈv‿e] de « o est » loc v.

[6] Varianta liyonêse [ɛ̃.sta.ˈlo] de « enstalâye » a f.

[8] Varianta liyonêse [i.no.gy.ˈro] de « inôgurâye » a f.

[12] Varianta liyonêse [pa.ˈŋo] de « panéls » pl.

[V 1]