Matrjoschka
![]() |
Matrjoschka of Matrjewka, Matrjeschka (rüsk матрёшка, wiss. Transliteration: matrëška) sen holten Popen, wat önmaalet sen en iin ön enachtler pasi. Ja kum fan Ruslön en haa di Aart fan en Talisman fuar des Liren.
Wat aur di Popen
[Bewerke | Kweltekst bewerke]![](http://178.128.105.246/cars-http-upload.wikimedia.org/wikipedia/commons/thumb/f/fd/Sergue%C3%AF_Possad_Fabrication_d%27une_Matriochka%2C_Russie.jpg/220px-Sergue%C3%AF_Possad_Fabrication_d%27une_Matriochka%2C_Russie.jpg)
Di Popen uur fan (Linden-) en (Birken-)holt maaket. Üttaacht waar ja 1890 fan di Könst-Maaler Sergei Wassiljewitsch Maljutin, en di Könst-Snetjer Wassili Petrowitsch Swjosdotschkin heer di maaket. Ja skel fan en Pop üp di Taacht kemen wiis, wat fan Japan kemen wiar.[1] Fukurokuju-Popen pasi man ek iin ön enachtler.[2]
![](http://178.128.105.246/cars-http-upload.wikimedia.org/wikipedia/commons/thumb/3/3d/First_matryoshka_museum_doll_open.jpg/220px-First_matryoshka_museum_doll_open.jpg)
Ön Ruslön fuan di Mensken tö dit Jen fan't 19. Jaarhönert Spöltjüch gur, wat em ütenachtler nem kür, en sa kām di Maakers üp di Taacht, muar Popen tö maaki, wat iin ön enachler pasi. Di Figuuren skul en Buernwüf weegi, wat en ruar Sarafan ön her.Di Noom „Matrjoschka“ es di Diminutiv fan di Noom „Matrjona“, hur masi Buernwüfhaurn jeet. Des Noom giar üp dit latiinsk matrona fuar Mooter töbeek (Üp Rusk мать, mat′ of ialer матерь, mater′).
Hat jaav Wüfkis en Mantjis fan di Popen. Di Wüfkis wiar mooterk, di Mantjis wiar stark fuar di Krich.
![](http://178.128.105.246/cars-http-upload.wikimedia.org/wikipedia/commons/thumb/8/89/Russian.dolls.hugeset.arp.jpg/220px-Russian.dolls.hugeset.arp.jpg)
Öntwesken uur man fuaral Wüfkis maaket. Em bigent me di litjest Pop, en di nast skel trinjom des pasi. Di hoogst Könst es di Maalerii diarön, aurdat dit jaa hol tohoppasi skel. Diar mener Forskel twesken di Popen es, diar muar es di Sats wert.
Matrjoschka-Popen uur fuaral ön Nischni Nowgorod, di Oblast Moskau en Kirow maaket. Aur di jest Jaaren wiar di gurtest Sats Popen fan 3, 5, 7 of 10 Stek maaket, man öntwesken sen dit fuul muar uuren.
Di Rekord fan di aurmiist Matrjoschka-Popen waar 2003 ön di USA āpstelt, en dit wiar 51 Popen. Di gurtest Pop es 53,97 Zentimeetern of 9 3⁄4 Zoll hoog, di litjest meet bluat 0,31 Zentimeetern of (1⁄8 Zoll). [3]
Me Matrjoschkas uur uk Satiiri maaket. Diarbi sen Popen fan Wladimir Iljitsch Lenin, Iwan IV. (Ruslön)/ Iwan, di Grögelk of Peter ddi Gurt of en gurt Pop fan Boris Nikolajewitsch Jelzin of Wladimir Wladimirowitsch Putin maaket.
Mes Noomen
[Bewerke | Kweltekst bewerke]Di Popen uur uk "Babouschka" nēmt, man des es mes, aurdat dit Uurt ek Mooter man Mootji jit. Bi di Grensi fan Uasterrik tö Ungarn uur uk Piroschka sair, dit jit sa füül üs "Rotkäppchen" üp dütsk. Mes es uk Mamuschka, wat sa fuul üs "Mama" jit en ek tö di Popen paset.
Literatuur
[Bewerke | Kweltekst bewerke]- Felix Philipp Ingold: Russische Wege. Geschichte, Kultur, Weltbild. W. Fink, München 2007, ISBN 3-7705-4423-4, S. 449, 450, 461.
Luki uk jir
[Bewerke | Kweltekst bewerke]![Commons](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/14px-Commons-logo.svg.png)
Wiktionary Matrjoschka (Dütsk)
- Geschichte der Matrjoschka auf russlandjournal.de
Futnooten
[Bewerke | Kweltekst bewerke]- ↑ James H. Billington: Russia in Search of Itself. Woodrow Wilson Center, Washington D.C. 2004, ISBN 978-0-8018-7976-0, S. 148.
- ↑ 19th Century Fukurokuju, Japanese God of Wisdom Doll (item #775198). Ofröpen di 15. Mei 2019.
- ↑ Largest Russian nesting doll (matryoshka). In: Guinness-Buch der Rekorde. 25. April 2003, ofröpen di 31. Jüüle 2019.