Meinte Walta
Appearance
Meinte Walta (Wytgaard, 6 april 1920 - Ljouwert, 6 maaie 2002) wie in byldzjend keunstner út Ljouwert.
Hy is de soan fan Jaring Walta en makke skilderingen en yllustraasjes, boekomslaggen en sânstrield glês.
Syn wurken binne meast stilearre ekspresjonistysk. Eksposearre op meardere plakken, yn it bûtenlân ûnder oare op Sylt en yn Auwerk. Waard bekend troch it meitsjen fan boekomslaggen (Utjouwerij Laverman NV en Utjouwerij Alternatyf) en troch it iepenstellen fan syn atelier "Sjoch" foar besikers.
Wurk waard ûnder oare oankocht troch it ryk, wylst hy monumintale opdrachten útfierde op meardere Fryske plakken.
Walta wie lid fan it Boun fan Fryske keunstners. Hy stoar yn 'e âldens fan 82 jier yn syn wenplak Ljouwert.
Wurk
[bewurkje seksje | boarne bewurkje]![](http://178.128.105.246/cars-http-upload.wikimedia.org/wikipedia/commons/thumb/e/eb/De_tiid_h%C3%A2ldt_gjin_skoft.jpg/150px-De_tiid_h%C3%A2ldt_gjin_skoft.jpg)
- De tiid hâldt gjin skoft (1965), Menamerdyk, Bitgummole
- Zeepaardje (1973), muorrereliëf foar de Rabobank yn Ljouwert, op de hoeke Skrâns/Huzumerleane.
Boarnen, noaten en/as referinsjes: |
|