Neakenmodel
![](http://178.128.105.246/cars-http-upload.wikimedia.org/wikipedia/commons/thumb/b/b7/Nude_Model_2.jpg/180px-Nude_Model_2.jpg)
In neakenmodel (of bleatmodel) is in model dat tsjin betelling neaken posearret. De oarspronklike foarm fan it neakenmodel is it keunstmodel, dat neaken posearret as ûnderdiel fan in kreätyf proses, wêrby't it model tsjinnet as fisuële grûnslach foar in keunstner (in keunstskilder of byldhouwer), of mooglik foar in hiele keunstklasse, om in keunstwurk op te basearjen. Foar de útfining fan 'e fotografy kaam dit frij faak foar. Tsjintwurdich is it lykwols folle minder algemien, mei't ien of mear foto's fan in persoan faak better tsjinje as de persoan sels, en om't der tsjintwurdich simpelwei folle minder skilderijen makke wurde. In oare (en hjoed de dei mear algemiene) foarm fan it neakenmodel is it neakenblêdmodel, dat posearret foar neakenblêden, lykas de Playboy, de Playgirl of de Penthouse, of, hieltyd faker, foar websiden op it ynternet dy't har talizze op neakenfotografy.
Boarnen, noaten en/as referinsjes: | ||
Foar boarnen en oare literatuer, sjoch ûnder: References en Further reading, op dizze side.
|