David Crosby
Amhránaí agus giotáraí ba ea David Crosby (14 Lúnasa 1941 – 18 Eanáir 2023), ball den sárghrúpaí The Byrds (1964-1967) agus ansin Crosby, Stills, Nash and Young (1968-1971 srl), agus samhailchomhartha na 1960idí agus gluaiseacht na hipithe. Bhí an scannán Easy Rider ó 1969, le Dennis Hopper, bunaithe ar David Crosby.[1]
![](http://178.128.105.246/cars-http-upload.wikimedia.org/wikipedia/commons/thumb/e/e9/The_Byrds_1965.png/220px-The_Byrds_1965.png)
Saol
[cuir in eagar | athraigh foinse]Ba chineamatagrafaí a athair, Floyd Crosby, a bhuaigh Oscar le haghaidh High Noon.[2]
Thosaigh Crosby amach leis The Byrds i 1964, agus caitheadh amach é trí bliana ina dhiaidh sin.
![](http://178.128.105.246/cars-http-upload.wikimedia.org/wikipedia/commons/thumb/c/ce/Crosby%2C_Stills_%26_Nash%21_%287960728834%29.jpg/220px-Crosby%2C_Stills_%26_Nash%21_%287960728834%29.jpg)
D’aimsigh sé Joni Mitchell ag imirt i gclub i bhFlorida i 1967, agus chabhraigh sé léi conradh taifead a fháil agus léirigh sé a céad albam, Song to a Seagull.[3] Bhí caidreamh rómánsúil acu le chéile.
Sa bhliain 1968, bhunaigh Crosby agus Stephen Stills agus Graham Nash Crosby, Stills & Nash. Dhíol siad na milliúin cóip dá gcéad albam, Crosby, Stills & Nash. Bliain ina dhiaidh sin tháinig Neil Young isteach leo agus dhíol an t-albam a rinne an ceathrar acu, Déjà Vu, an bhliain dár gcionn, na milliúin freisin.[2]
Faoi lár na 1970idí, bhí Crosby tugtha do chócaon agus hearóin araon.
Duine cancrach
Bhí sé doiligh cur suas le Crosby agus bhí teannas i gcónaí sna bannaí.Sa bhliain 2019 chuir feisire Byrds Roger McGuinn síos ar Crosby agus a chuid óráidí polaitiúla ar an stáitse mar ‘insufferable’, agus dúirt ball eile den bhanna, Chris Hillman, go raibh ‘coimpléasc uaisleachta’ aige.[2]
In 2021 rinne Crosby cur síos ar Graham Nash mar ‘mo namhaid’ agus Neil Young mar ‘an duine is féinlárnacha, féinghafa, agus leithleach is eol dom’.
Bás
[cuir in eagar | athraigh foinse]Bhí Crosby 81 nuair a bhásaigh sé ar 18 Eanáir 2023. Maireann a bhean chéile Jan Dance agus a mhac James Raymond, mac eile, Django (le Jan Dance), iníon (Erika, leJackie Guthrie) agus iníon eile (Donovan le Debbie Donovan) .’
Ach d'éirigh sé beagnach chomh cáiliúil as a chionta drugaí agus a chuid ceoil.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ NYT Editorial Board. "David Crosby, a folk-rock voice that spanned decades" (en). DT next. Dáta rochtana: 2023-01-21.
- ↑ 2.0 2.1 2.2 ExtraG (2023-01-21). "Tá David Crosby, ‘hippy’ trioblóideach ar shlí na fírinne" (ga-IE). Dáta rochtana: 2023-01-22.
- ↑ "Song to a Seagull" (as en) (2022-10-28). Wikipedia.