Roger Whittaker
Amhránaí ba ea Roger Whittaker (22 Márta 1936 – 13 Meán Fómhair 2023).[1] I measc na n-amhrán is fearr uaidh sna 1960idí - 1990idí tá Durham Town, The Last Farewell, New World in the Morning, I Don’t Belief in If Anymore agus a leagan 1982 de Wind Beneath My Wings. Dhíol sé beagnach 50 milliún ceirnín le linn gairme a thosaigh i 1962 nuair a bhí sé 26 bliain d’aois.
![](http://178.128.105.246/cars-http-upload.wikimedia.org/wikipedia/commons/thumb/d/d3/Roger-Whittaker-1971b.jpg/220px-Roger-Whittaker-1971b.jpg)
Rugadh Whittaker i Nairobi sa Chéinia i Márta 1936 do thuismitheoirí Sasanacha. Mar gheall gur rugadh é i Nairobi, d’fhág ceol oirthear na hAfraice marc air.
Thosaigh sé ag scríobh amhráin agus ag canadh i gclubanna tíre na Breataine Bige agus é ag déanamh staidéir ar an zó-eolaíocht, bithcheimic agus bitheolaíocht mhuirí in Ollscoil Bangor. Bhí a chéad dul chun cinn mór ag Whittaker nuair a iarradh air a bheith i láthair ar chlár Ulster Television dar teideal This and That in 1964 i Portrush.[2]
Thug Durham Town (The Leavin’) ‘Top 20 hit’ dó sa Bhreatain i 1969. Chuir rath an amhráin iontas air. Bhí cáil air as a scileanna feadaíl, a léirítear go hiontach sa phort Mexican Whistler a bhí ar bharr na gcairteacha i dtrí thír Eorpacha éagsúla.
Chuaigh Whittaker ar scor in 2012. Phós sé Natalie in 1964 agus bhí cúigear leanaí acu: Emily, Lauren, Jessica, Guy agus Alexander.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 extrag.ie (2023-09-19). "Amhránaí Roger Whittaker tar éis bháis in aois a 87 bliain" (ga-IE). Dáta rochtana: 2023-12-20.
- ↑ "It's the way you sing 'em Mr Whittaker" (en-GB). BelfastTelegraph.co.uk (2004-02-12). Dáta rochtana: 2023-12-20.
![]() | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |