Primo Levi
Primo Levi | |
---|---|
![]() | |
Beatha | |
Ainm slàn | Primo Levi |
Breith | Torino, 31 dhen Iuchar 1919 |
Dùthaich |
![]() ![]() |
Àite-fuirich | Torino |
Ciad chànan | Eadailtis |
Bàs | Torino, 11 dhen Ghiblean 1987 |
Àite-adhlacaidh |
Monumental Cemetery of Turin (en) ![]() |
Nàdar a’ bhàis |
accidental death (en) ![]() fèin-mhurt |
Teaghlach | |
Cèile |
Lucia Morpurgo (en) ![]() |
Sinnsirean |
liosta
|
Foghlam | |
Foghlam |
Oilthigh Turin Liceo Classico Massimo D'Azeglio (en) ![]() |
Cànain | Eadailtis |
Dreuchd | |
Dreuchd | ceimigear, bàrd, neach-poileataigs, sgrìobhadair, nobhailiche, sgrìobhadair ficsein shaidheansail, fèin-bheatha-eachdraiche agus feallsanaiche |
Obraichean comharraichte |
If This Is a Man (en) ![]() The Truce (en) ![]() The Drowned and the Saved (en) ![]() The Periodic Table (en) ![]() |
Duaisean a fhuaras |
liosta
|
Far-ainmean | Damiano Malabaila |
Gnè ealain |
memoir (en) ![]() |
Creideamh | |
Creideamh |
neo-dhiadhaireachd Iùdhachd |
Pàrtaidh poileataigeach |
Action Party (en) ![]() |
IMDb | nm0505485 |
B' e ceimigear, bàrd agus sgrìobhadair às an Eadailt a bh' ann am Primo Levi (IPA: ˈpriːmo ˈlɛːvi, Torino, 31 an t-Iuchar 1919 – Ibidem 11 an Giblean 1987). Ach tha e ainmeil, gu h-àraidh, mar ìobairt agus neach-tàrsainn Auschwitz. Sgrìobh e mòran mun uile-losgadh.[1]
Beatha ron Chogadh
[deasaich | deasaich an tùs]Thogadh Primo Levi ann an Torino agus bhuineadh e do theaghlach Iùdhach libearalach. Bha obair aig athair, Cesare, còmhla ri companaidh air an robh Ganz[2] agus chuireadh esan seachad tòrr ùine a' siubhal thall thairis dhan Ungair às leth Ghanz. Bha Cesare uabhasach dèidheil air leughadh agus dh'ionnsaich e fhèin. Chaidh a mhàthair, Ester "Rina" Luzzati dhan sgoil Maria Letizia,[3] bha Fraingis siùbhlach oirre agus chluicheadh i a' phiàna. B 'e athair Rini a chuir am pòsadh air dòigh agus cuideachd b' e esan a thug flat spaideil air an Via Re Umberto dhaibh,[4] far a rugadh Primo Levi, far a dh'fhuiricheadh e fad a bheatha agus far a chaochail e. Rugadh a phiuthar, Anna Maria, ann an 1921. Bha dlùth dàimh aca fad am beatha. Thoisich e am bunsgoil Felice Rignon ann an Torino ann an 1925.[5] Chaidh e dhan àrd-sgoil Massimo d'Azeglio as t-fhoghar 1930, a' tòiseachadh ÀS2 an àite ÀS1 oir bha e deagh oideachaidh fhaighinn aig an taigh fad bliadhna.[6] B' e an sgoilear na b' òige agus na bu tapaidh sa clas a bh' ann agus an aon Iùdhach cuideachd agus le sin bhiodh cuid dhuibh ag obair air bho àm gu àm. A thuilleadh air sin, chuir e seachad dà bhliadhna ann an sgoil Talmud Torah gus òran a ghabhail san sionagog aig a Bhar Mitzvah, ann an 1932.[7] Thoisich e ceimigeachd aig oilthigh Torino as t-fhoghar 1937 agus thug e ceum ann ann 1941.[8] Bha dreuchd aige leis a' chompanaidh Wander, ann am Milano. B' urrainn dha an cùrsa aige a choileanadh, a dh'aindeoin gu robhar a' cur laghan a chuireadh bacadh air oileanaich Iùdhach sna oilthighean air feadh na h-Eadailte.
An Cogadh
[deasaich | deasaich an tùs]Ann an 1943 dh'fheuch e agus a chuid charaidean a dhol dhan fheachdan a bha a' strì an aghaidh nan Nàsach. Bha iad air leth gorm le sin agus chaidh an chur an greim leis a' Mhailisidh air 13 an Dùbhlachd 1943.[9] Lìbhrig iad Levi do dh'Arm na Gearmailt, oir dh'aidich e gur e Iùdhach a bh' ann los nach loisgeadh iad airsan anns a' bhad. Bha e na phrìosanach ann am Fossoli mus deach a chur às an tìr air 21 an Gearran 1944 agus an ceann mìos ràinig e Monowice (Monowitz), fear dhe na campaichean am broinn aitreabhan Auschwitz, suidhichte anns a' Phòlainn fo bhuaidh nan Nàsach. B' urrainn dha maireachdainn beò fad deich mìos gus a shaoraich an t-Arm Dearg an campa. Chaidh 650 Iùdhaich às an Eadailt còmhla ris ach cha robh ach dìreach 24 dhiubh beò aig deireadh a' chogaidh.[10] Chuir e seachad naoi mìosan air an rathad mus d'fhuair e dhachaigh. Cha do dh'aithnich an dorsair e, leis cho bochd robach salach 's a bha e.
An dèidh a' Chogaidh
[deasaich | deasaich an tùs]Phòs e Lucia Morpurgo ann an 1947. Fhuair iad dithis duine-chloinne còmhla: Lisa (1948) agus Enzo (1957). Thoisich e a' cantainn mu dheidhinn na thachair thall sa Phòlainn agus chuireadh e seachad oidhcheannan a' sgrìobhadh. Beag air bheag nochd a' chiad nobhail aige, Se questo è un uomo, a chaidh foilleachadh ann an 1947.[11] Lean e air ag obair mar cheimigear agus sgrìobhadair fad a bheatha.
Bàs
[deasaich | deasaich an tùs]Chaochail Primo Levi aig 10:20 madainn air 11 an Giblean 1987, nuair a thuit e bhon flat aige air an treas làr Via Re Umberto 75 dhan t-sràid.[2] Tha cuid dhen bheachd gun do chuir e làmh na bheatha fhèin, air sàilleabh gu robh e gu math ìsle le trom-inntinn dìreach mus do bhàsaich e.[12] A dh'aindeoin sin, cha do dh' fhàg e litir neo litir a dhearbhadh na thachair dha. A bharrachd air sin, mar cheimigear, bha fios aige ciamar a ghabhadh e ri a bheatha fhèin ann an dòigh na bu shìmplidh agus na bu dheirbhe na leum a-mach à balconaidh. Cuideachd, bha pròiseactan aige ri choileanadh. Ghairm an Rabbai Elio Toaff gun do chuir Levi brath thuige a' cantainn Tha mi seachd searbh sgìth le mo bheatha dìreach mus do thuit e.[13]
Obair le Primo Levi
[deasaich | deasaich an tùs]- Se questo è un uomo (1947)
- La tregua (1963)
- Storie naturali (1966)
- Vizio di forma (1971)
- Lilìt e altri racconti (1971)
- Il sistema periodico (1975)
- La chiave a stella (1978)
- La ricerca delle radici (1981)
- Se non ora, quando? (1982)
- Ad ora incerta (1984)
- L'altrui mestiere (1985)
- I sommersi e i salvati (1986)
Ceanglaichean a-muigh
[deasaich | deasaich an tùs]- Scriptorium - Primo Levi Includes writing by Levi
- Primo Levi page by the Operatist who composed in honour of Levi
- Diego Gambetta: Primo Levi's Last Moments
Iomraidhean
[deasaich | deasaich an tùs]- ↑ Bryn Mawr
- ↑ 2.0 2.1 “Primo Levi”. Centro Primo Levi New York. Air a thogail 29mh dhen Lùnasdal 2023.
- ↑ Museo di Torino
- ↑ Jewish Italy
- ↑ Comune di Torino
- ↑ Primo Levi
- ↑ Åhr, Johan (1d dhen Ghearran 2011): “Primo Levi and the Concept of History”, Answering Auschwitz: Primo Levi's Science and Humanism after the Fall. Fordham Scholarship Online. Air a thogail 29mh dhen Lùnasdal 2023.
- ↑ Primo Levi
- ↑ A Tutta Scuola
- ↑ The Guardian
- ↑ Studenti
- ↑ La Repubblica
- ↑ Archivo Historico