Shavo Odadjian
![]() (2012) ![]() | |
Biografía | |
---|---|
Nacemento | (hy) Շավարշ Օդաջյան ![]() 22 de abril de 1974 ![]() Iereván ![]() |
Datos persoais | |
País de nacionalidade | Unión Soviética Estados Unidos de América ![]() |
Actividade | |
Campo de traballo | Música ![]() |
Ocupación | baixista , compositor , disc-jóckey , guitarrista , músico , Activista polos dereitos humanos ![]() |
Período de actividade | 1992 ![]() |
Empregador | System of a Down Achozen (pt) ![]() ![]() |
Membro de | |
Xénero artístico | Música rock, heavy metal tradicional (pt) ![]() ![]() |
Lingua | Lingua armenia e lingua inglesa ![]() |
Instrumento | Baixo e guitarra ![]() |
![]() ![]() ![]() ![]() ![]() ![]() ![]() ![]() ![]() ![]() |
Shavarsh "Shavo" Odadjian (en armenio: Շավարշ Օդաջյան), coñecido como Shavo Odadjian, nado en Iereván (Armenia) o 22 de abril de 1974, é un baixista estadounidense, que toca na banda de metal alternativo System of a Down.
Traxectoria
Odadjian mudouse xa de novo aos Ánxeles (California), onde foi criado en gran parte pola súa avoa. Logo da morte desta, perdeu a fe e deixou de rezar todas as noites como facía antes. Estudou no Alex Pilibos & High School dos Ánxeles, unha escola Armenia na que tamén estudaron os seus futuros compañeiros Serj Tankian e Daron Malakian, aínda que en diferentes graos pola diferenza de idades.
Medrou facendo skateboarding e baixo a influencia de bandas de punk rock e heavy metal como The Punk Angle, Dead Kennedys, KISS, e Black Sabbath, entre outras; creando unha grande influencia no seu desenvolvemento musical do futuro.
Á parte de traballar nun banco, tamén comezou a manexar a banda Soil, na que estaban Malakian e Tankian en 1993, logo de coñecelos nun estudo de gravación, onde o estaba gravando coa súa banda de entón. En 1995, Shavo convértese no baixista permanente da banda, á que chamaron System of a down.
Ademais, Odadjian é un DJ popular na área dos Ánxeles baixo o pseudónimo de DJ Tactic. Declarándose a si mesmo como "unha persoa moi visual", tamén dirixiu vídeos musicais para System of a down ("Aerials", "Toxicity" e "Question!"), e Taproot, creando atmosferas surreales e usando inovadores métodos de filmación.
Shavo fixo unha pequena aparición no filme do 2001, Zoolander, como un dos amigos de Hansel. O seu actor favorito é Christopher Walken e tamén declara estar fascinado co ocultismo, principalmente en forma de películas.
Shavo era orixinalmente un guitarrista, e admite ser mellor na guitarra que no baixo. De feito, foi o guitarrista de Soil por un pequeno período. Usualmente toca o baixo cunha puga, pero pode vérselle de cando en vez empregando os seus dedos.