Alejandrino Fernández Barreiro
Biografía | |
---|---|
Nacemento | 1 de xuño de 1943 ![]() Leiro, España ![]() |
Morte | 14 de outubro de 2014 ![]() A Coruña, España ![]() |
Datos persoais | |
País de nacionalidade | España ![]() |
Educación | Universidade de Santiago de Compostela ![]() |
Actividade | |
Ocupación | avogado , político ![]() |
Empregador | Universidade de Granada ![]() |
Lingua | Lingua castelá ![]() |
![]() ![]() |
Alejandrino Fernández Barreiro, nado en Leiro o 1 de xuño de 1943 e finado na Coruña o 14 de outubro de 2014,[1][2] foi un avogado e político galego.
Traxectoria
[editar | editar a fonte]Licenciouse en Dereito na USC (1966) e doutorouse na Universidade de Navarra (1968)[1] cunha tese sobre La previa información del adversario en el proceso privado romano, dirixida por Álvaro D'Ors.[3] Seguiu formándose na Sorbona de París canda a Jean Gaudemet. Despois traballou en Roma xunto a Giovanni Pugliese.
Foi profesor na Universidade de Santiago de Compostela, na UNED e na Universidade de Granada. En 1974 obtivo a Cátedra de Dereito romano da USC. En 1989, trala creación da Universidade da Coruña, pasou a ser catedrático de dereito romano e secretario xeral da mesma,[4] e entre 1991 e 1999 foi Decano da Facultade de Dereito. Entre 2005 e 2013 dirixiu o departamento de Dereito público.
Política
[editar | editar a fonte]Membro do Partido Demócrata Popular, partido integrado en UCD. Foi responsable do departamento de educación durante a Xunta Preautonómica co goberno de Antonio Rosón, e nomeou Ricardo Carballo Calero como presidente da comisión encargada de establecer unhas normas lingüísticas para o uso administrativo. Posteriormente, foi conselleiro de Educación e Cultura[2] no primeiro goberno da Xunta de Galicia, o de Xosé Quiroga Suárez. Deputado no Parlamento de Galicia (1985-1989), e conselleiro de Cultura e Benestar (1986-1987) con Xerardo Fernández Albor,[1] durante o seu mandato púxose en marcha o Centro de Coordinación Bibliotecaria de Galicia. En febreiro de 1988 pasou do Grupo Popular ao de Coalición Galega.
Predecesor: Víctor Manuel Vázquez Portomeñe |
![]() Conselleiro de Cultura e Benestar Social 1986 - 1987 |
Sucesor: Alfredo Conde |
Obra
[editar | editar a fonte]- Los estudios de Derecho romano en Francia después del Código de Napoleón (1970). Roma-Madrid. ASIN B0014P414G
- Historia del Derecho romano y su recepción europea (2017).(canda a Javier Paricio). Madrid: Marcial Pons. Col. Manuales universitarios. 11ª ed. ISBN 9788491233206
- Fundamentos de Derecho privado romano (2016). (canda a Javier Paricio). Madrid: Marcial Pons. 9ª ed. ISBN 9788491230816
Vida persoal
[editar | editar a fonte]Estaba casado coa tamén avogada e política Lutgarda García Boente.
Notas
[editar | editar a fonte]- ↑ 1,0 1,1 1,2 "El exconselleiro Alejandrino Fernández Barreiro falleció en A Coruña". lavozdegalicia.es. 20-10-2014. Consultado o 08-04-2018.
- ↑ 2,0 2,1 García Camiñas, Julio (22-10-2014). "A la muerte de Alejandrino Fernández Barreiro". lavozdegalicia.es. Consultado o 08-04-2018.
- ↑ Rodríguez Ennes, Luis. "Alejandrino Fernández Barreiro: adiós a un gran universitario". scielo.com. Consultado o 08-04-2018.
- ↑ Castro, Alfonso (19-10-2014). "Alejandrino Fernández Barreiro, romanista". elpais.com. Consultado o 08-04-2018.
Véxase tamén
[editar | editar a fonte]Bibliografía
[editar | editar a fonte]- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.
- Alejandrino Fernández Barreiro, in memoriam: El adiós a un gran universitario / Luis Rodríguez Ennes
Ligazóns externas
[editar | editar a fonte]- Curriculum (en castelán)
- Nados en 1943
- Nados en Leiro
- Finados en 2014
- Deputados do Parlamento de Galicia por AP
- Conselleiros da Xunta de Galicia
- Alumnos da Universidade de Santiago de Compostela
- Alumnos da Universidade de Navarra
- Catedráticos da Universidade de Santiago de Compostela
- Profesores da Universidade de Granada
- Políticos do PDP
- Catedráticos da Universidade da Coruña
- Deputados da II Lexislatura do Parlamento de Galicia