Antonio Camilo Casal Fernández
| Biografía | |||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 26 de maio de 1963  (61 anos)Ferrol, España | ||||||||||||||||||||||||||||||||||||||
| Datos persoais | |||||||||||||||||||||||||||||||||||||||
| País de nacionalidade | España | ||||||||||||||||||||||||||||||||||||||
| Actividade | |||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||
| Lingua | Lingua castelá | ||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||
| |||||||||||||||||||||||||||||||||||||||
Antonio Camilo Casal Fernández, nado en Ferrol o 26 de maio de 1963, é un exfutbolista galego máis coñecido como Camilo Casal, que xogaba na demarcación de extremo esquerdo.
Traxectoria
[editar | editar a fonte]Formouse nas categorías inferiores do Racing de Ferrol, chegando a xogar no primeiro equipo entre 1981 e 1983. O seu bo papel fai que o fiche o Celta de Vigo, en Segunda División, na tempada 1983/84.
A súa fichaxe polo Celta non estivo exenta de polémica, xa que tivo que competir co Atlético de Madrid, e produciuse xa que existía un precontrato entre os clubs galgos e acordo co xogador, porén o caso tivo que chegar aos tribunais deportivos. En decembro de 1983 o Comité Nacional de Competición e o Comité Xurisdicional da Real Federación Española de Fútbol, emitiron o veredicto, segundo o cal o xogador unha sanción de tres meses de suspensión a partir da data da sentenza e outra sanción de dous anos de suspensión a partir do momento no que rematase o seu compromiso co Celta de Vigo. A sentenza tamén suporía a suspensión de dous anos do presidente e do secretario do Racing de Ferrol, Vicente Bastida e Riveras Fernández.
Nos seis anos que xogou en Vigo viviu dous ascensos a Primeira División e un descenso a Segunda División consecutivos, tendo sempre un papel importante no equipo.
No verán de 1989 deixou o Celta e fichou polo CA Osasuna, onde xogaría dúas tempadas antes de fichar polo Albacete Balompié e a SD Compostela, aquel ano en Segunda División. Finalmente volveu a Ferrol a xogar dúas tempadas no Racing en Segunda División B. Na súa cidade natal "colgou as botas" e logo marchou aos Estados Unidos de América para xogar nos Seattle SeaDogs, un club de fútbol indoor que existiu entre 1995 e 1997. Unha vez retirado traballou comentando os encontros do Seattle SeaDogs na MLS dos Estados Unidos.
