Batedor
![](http://178.128.105.246/cars-http-upload.wikimedia.org/wikipedia/commons/thumb/a/ad/Wand_Blender.jpg/100px-Wand_Blender.jpg)
Un batedor eléctrico é un electrodoméstico de cociña que permite moer ingredientes no mesmo recipiente no que se preparan. Pódese utilizar para facer diferentes tipos de purés, mollos e sopas. É a evolución do batedor de globo ou manual.
Historia
[editar | editar a fonte]O batedor eléctrico foi inventado en Suíza por Roger Perrinjaquet, quen patentou a idea en 1950 e chamou á súa creación bamix, unha contracción de "bat et mixe" (bate e mestura). O 24 de abril de 1955 presentouse por vez primeira o novo batedor Bamix na Feira de Hannover.
Mais a versión máis popular foi a inventada polo enxeñeiro Gabriel Lluelles (Barcelona, 1923) para a empresa española Pimer (acrónimo de Pequenas Industrias Mecánico Eléctricas Reunidas[1]), e que foi chamada de Minipimer, comercializada en 1959. A empresa foi posteriormente comprada pola alemá Braun GmbH, que mantivo o nome orixinal do aparello, que se converteu no nome común deste tipo de batedor.[2]
Componentes e funcionamento
[editar | editar a fonte]Unha batedora de man consta principalmente dun motor eléctrico situado no mango e un eixe que conecta este motor coas láminas situadas na parte inferior. O motor impulsa as láminas, que xiran a alta velocidade para triturar e mesturar os ingredientes. Moitas batedoras de man modernas inclúen accesorios adicionais, como varillas batedoras, picadoras ou procesadores de alimentos, o que amplía a súa versatilidade na cociña.[3]
Partes principais
[editar | editar a fonte]- Motor: É o compoñente que impulsa as láminas e pode variar en potencia, xeralmente entre 150W e 1500W.
- Láminas: Feitas de aceiro inoxidable, son as responsables de triturar e mesturar os ingredientes.
- Eixe: Conecta o motor coas láminas e adoita estar recuberto de plástico ou metal, dependendo do modelo.
- Accesorios: Algúns modelos inclúen varillas adicionais, picadoras e outros complementos que poden ampliar a funcionalidade do aparato
Tipos de batedoras de man
[editar | editar a fonte]Existen diferentes tipos de batedoras de man en función do seu deseño e potencia:
- Domésticas: Xeralmente máis lixeiras e menos potentes, adecuadas para tarefas sinxelas na cociña.
- Profesionais: Máis robustas e con motores máis potentes, deseñadas para un uso intensivo en ambientes profesionais.
- Industriais: Con características avanzadas e unha durabilidade excepcional, estas utilízanse en cociñas industriais e de gran demanda.
Innovacións recentes
[editar | editar a fonte]Co avance da tecnoloxía, as batedoras de man incorporaron novas características, como:
- Control de velocidade variable: Permite axustar a velocidade das láminas para diferentes tipos de preparacións.
- Tecnoloxía anti-salpicas: Deseños de láminas e cabezais que minimizan as salpicaduras durante o uso.
- Modelos sen fíos: Ofrecen maior liberdade de movemento, eliminando a necesidade dun cable de alimentación.
Notas
[editar | editar a fonte]- ↑ "Phylosoft.com". Arquivado dende o orixinal o 25 de xuño de 2012. Consultado o 17 de febreiro de 2014.
- ↑ Larga vida a la minipimer. Artigo no xornal El País, 21 de xaneiro de 2008
- ↑ https://chefrecomienda.com/batidora-de-mano/ https://chefrecomienda.com/batidora-de-mano/. Falta o
|title=
(Axuda); Ligazón externa en|páxina-web=
(Axuda)
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Batedor eléctrico (en castelán)
- A Whirling Dervish That Dips Right Into Your Pot, por Amanda Hesser. New York Times, 19 de agosto de 1998 (en inglés).