César Barja
Biografía | |
---|---|
Nacemento | 1 de outubro de 1890 ![]() Trasparga, España ![]() |
Morte | 17 de xuño de 1951 ![]() Os Ánxeles, Estados Unidos de América ![]() |
Datos persoais | |
País de nacionalidade | España Estados Unidos de América ![]() |
Actividade | |
Ocupación | escritor , crítico literario , profesor universitario , romanista ![]() |
Empregador | Universidade de California, Os Ánxeles ![]() |
Membro de | |
Lingua | Lingua castelá ![]() |
![]() ![]() |
César Barja Carral, nado en Trasparga (Guitiriz) o 1 de outubro de 1890 e finado nos Ánxeles o 17 de xuño de 1951, foi un escritor e crítico literario galego.
Biografía
[editar | editar a fonte]Estudou dereito na Universidade de Santiago de Compostela e logo na de Madrid, onde se licenciou en 1912 e onde se doutorou en 1915. A Junta para Ampliación de Estudios e Investigaciones Científicas outorgoulle unha bolsa para estudar filosofía na Universidade de Leipzig (1912-1914) e logo doutorouse na de Harvard (1916-1917). Ó seu remate aceptou unha oferta como profesor de español no Connecticut College e despois como profesor da mesma lingua na Universidade de Míchigan (1920-1921). Despois foi profesor auxiliar do Smith College (1921-1924) e lector da Universidade de California, e pasou a profesor asociado en 1927 e titular en 1930. Recibiu a nacionalidade norteamericana en 1931. Foi tamén catedrático de italiano entre 1941 e 1942. Elixido membro correspondente da Real Academia Española en 1947, en 1949 tamén foi elixido membro correspondente da Real Academia Galega.
Obra
[editar | editar a fonte]Escribiu tres libros de crítica literaria que constitúen, de feito, unha historia da literatura española en tres tomos desde os seus inicios: Libros y autores clásicos (1922), Libros y autores modernos (1925) e Libros y autores contemporáneos (1935). En 1926 publicou En torno al lirismo gallego del siglo XIX. Tamén colaborou en revistas con numerosos artigos e dirixiu a revista Modern Language Forum de 1934 a 1937. Publicou dous modestos volumes de poesía. Tamén traduciu obras de dereito de alemán, por exemplo de Viktor Cathrein.
Títulos
[editar | editar a fonte]- Rosas y espinas místicas (Madrid, 1921).
- Libros y Autores Clásicos (1922).
- Rosalía de Castro (Nova York, 1923)
- Libros y Autores Modernos (1925).
- Libros y Autores Contemporáneos (1935).
- En torno al lirismo gallego del siglo XIX (1926).
Véxase tamén
[editar | editar a fonte]Bibliografía
[editar | editar a fonte]- H. Corbató, C. Epling, M. A. Zeitlin, Obituary of César Barja, Spanish and Portuguese: Los Angeles, pp. 1–5.