Endoderma
![](http://178.128.105.246/cars-http-upload.wikimedia.org/wikipedia/commons/thumb/d/d9/Blastula.png/220px-Blastula.png)
![](http://178.128.105.246/cars-http-upload.wikimedia.org/wikipedia/commons/thumb/e/e3/Gray21.png/220px-Gray21.png)
![](http://178.128.105.246/cars-http-upload.wikimedia.org/wikipedia/commons/thumb/1/19/Gray32.png/220px-Gray32.png)
O endoderma é unha das tres capas xerminais primarias que aparecen nas fases máis iniciais do desenvolvemento do embrión. As outras dúas son o ectoderma (capa externa) e o mesoderma (capa media), en tanto que o endoderma é a capa máis interna.[1] As células que emigran cara ao interior ao longo do arquénteron forman a capa interna da gástrula, que se desenvolve orixinando o endoderma.
O endoderma consta de células inicialmente aplanadas, que despois se fan columnares. O endoderma formará o revestimento epitelial de moitos órganos.
Elementos derivados do endoderma
[editar | editar a fonte]A seguinte táboa indica os órganos derivados do endoderma.
Capa | Categoría | Sistema | |
---|---|---|---|
Xeral [2] | Tracto gastrointestinal. | o canal alimentario completo agás parte da boca, farinxe e a parte terminal do recto (que está revestida por involucións do ectoderma), as células que revisten todas as glándulas que verten no tubo dixestivo, incluíndo o fígado e páncreas | |
Xeral | Tracto respiratorio | a traquea, bronquios e alvéolos dos pulmóns | |
Xeral | Glándulas e órganos endócrinos | o epitelio de revestimento dos folículos da glándula tiroide e do timo | |
aparato auditivo | o epitelio do tubo auditivo e da cavidade timpánica | ||
aparato urinario | a vexiga urinaria e parte da uretra |
O fígado e o páncreas pénsase que derivan dun precursor común.[3]
Nos humanos, o endoderma pode diferenciarse en órganos distinguibles xa na 5ª semana do desenvolvemento embrionario.
Notas
[editar | editar a fonte]- ↑ Langman's Medical Embryology, 11th edition. 2010.
- ↑ A categoría xeral indica que todos ou a maioría dos animais que conteñen esta capa producen a partir dela as partes sinaladas.
- ↑ Zaret KS (2001). "Hepatocyte differentiation: from the endoderm and beyond". Curr. Opin. Genet. Dev. 11 (5): 568–74. PMID 11532400. doi:10.1016/S0959-437X(00)00234-3.