Fanny Blankers-Koen
![]() ![]() | |
Biografía | |
---|---|
Nacemento | 26 de abril de 1918 ![]() Baarn, Países Baixos ![]() |
Morte | 25 de xaneiro de 2004 ![]() Hoofddorp, Países Baixos (pt) ![]() ![]() |
Datos persoais | |
País de nacionalidade | Reino dos Países Baixos ![]() |
Altura | 175 cm ![]() |
Peso | 63 kg ![]() |
Actividade | |
Ocupación | velocista , saltadora de lonxitude , atleta , saltadora de altura ![]() |
Nacionalidade deportiva | Países Baixos ![]() |
Deporte | atletismo ![]() |
Disciplina deportiva | Salto de lonxitude Salto de altura carreira de velocidade ![]() |
Participou en | |
1952 | Xogos Olímpicos de 1952 |
1948 | Xogos Olímpicos de 1948 |
1936 | Xogos Olímpicos de 1936 ![]() |
Premios | |
![]() ![]() ![]() ![]() ![]() ![]() |
Francina "Fanny" Elsje Blankers-Koen, nada en Baarn o 26 de abril de 1918 e finada en Hoofddorp o 25 de xaneiro de 2004, foi unha atleta e campioa olímpica neerlandesa, vencedora, aos 30 anos de idade, de catro probas de atletismo nos Xogos Olímpicos de 1948 en Londres, cando xa era nai de dous fillos. Foi considerada a "Atleta Feminina do Século", pola Associación Internacional de Federacións de Atletismo (IAAF). En 2012, foi inmortalizada no Salón da Fama do atletismo, creado no mesmo ano como parte das celebracións polo centenario da IAAF.[1]
Durante a súa vida deportiva, Fanny bateu vinte marcas mundiais en probas de velocidade, obstáculos, saltos de altura, saltos de lonxitude e héptatlon.
Traxectoria
[editar | editar a fonte]Francina Elsje Koen, naceu en Lage Vuursche, preto de Baarn, cidade do centro dos Países Baixos. Iniciouse nos deportes practicando natación e aos 17 anos comezou a practicar o atletismo.[2] Un ano despois, o seu adestrador Jan Blankers convenceuna para entrar no equipo olímpico neerlandés, que participaría nos Xogos Olímpicos de Berlín de 1936.[3] Blankers-Koen obtivo dous quintos lugares, un en salto de altura e outro nos 4×100 metros lisos.[4] Tamén conseguiu un autógrafo do atleta Jesse Owens, que se converteu na posesión máis valorada.[5][6]
En 1938 conquistou o seu primeiro resultado significativo ao levar a medalla de bronce nos 100 metros lisos do Campionato Europeo de atletismo. Co estalido da segunda guerra mundial, os Xogos Olímpicos de 1940 e 1944 foron cancelados, mais Koen continuou a dedicarse ao atletismo durante o período da guerra. En 1946, poucas semanas despois de dar a luz a súa segunda filla, gañou a medalla de ouro nos 80 metros con obstáculos do Campionato Europeo de Atletismo.
O seu feito máis notábel foi nos Xogos de Londres de 1948, cando gañou catro medallas de ouro en nove das probas femininas do acontecemento (100 e 200 metros lisos, 80 metros con obstáculos e 4×100 metros), converténdose no gran nome daqueles xogos. Competiu en once series e finais en oito días.[4] Foi a primeira muller que gañou catro medallas de ouro, e ademais conseguiuno nuns únicos xogos.[7] Alcumada "a ama de casa voadora",[2] "a neerlandesa voadora"[8] e "a asombrosa Fanny" pola prensa internacional, foi recibida na súa chegada a Ámsterdam por unha gran multitude.[6]
Aos 34 anos, tomou parte nos seus terceiros Xogos Olímpicos, que tiveron lugar en Helsinqui.[7] A pesar de que estaba en boa forma física, sufriu graves bochas. Cualificouse para as semifinais dos 100 metros lisos, pero retirouse para asegurar a carreira de valados. Alcanzou a final nesa proba, pero tras golpear o segundo valado, abandonou a carreira. O 7 de agosto de 1955, venceu por última vez, gañando o título nacional de lanzamento de peso, o seu 58.º título neerlandés.
Fanny Blankers-Koen faleceu aos 85 anos a causa do alzhéimer na súa casa de Hoofddorp.
Resultados deportivos
[editar | editar a fonte]Competicións internacionais
[editar | editar a fonte]Ano | Acontecemento | Lugar | Posición | Proba | Resultado |
---|---|---|---|---|---|
1936 | Xogos Olímpicos | Berlín, Alemaña | 6.ª | Salto de altura | 1,55 m |
5.ª | 4×100 m | 48.8 | |||
1938 | Campionatos de Europa | Viena, Austria | 3.ª | 100 m | 12.0 |
3.ª | 200 m | 24.9 | |||
1946 | Campionatos de Europa | Oslo, Noruega | – (semis) | 100 m | DNF |
1.ª | 80 m con valados | 11.8 | |||
1.ª | 4×100 m | 47.8 | |||
4.ª | Salto de altura | 1,57 m | |||
1948 | Xogos Olímpicos | Londres, Reino Unido | 1.ª | 100 m | 11.9 |
1.ª | 200 m | 24.4 | |||
1.ª | 80 m con valados | 11.2 | |||
1.ª | 4×100 m | 47.5 | |||
1950 | Campionatos de Europa | Bruxelas, Bélxica | 1.ª | 100 m | 11.7 |
1.ª | 200 m | 24.0 | |||
1.ª | 80 m con valados | 11.1 | |||
2.ª | 4×100 m | 47.4 | |||
1952 | Xogos Olímpicos | Helsinqui, Finlandia | – (semifinais) | 100 m | DNS |
– (final) | 80 m con valados | DNF |
Títulos nacionais
[editar | editar a fonte]Proba | Ano(s) |
---|---|
100 m | 1937, 1938, 1939, 1940, 1942, 1943, 1944, 1946, 1947, 1948, 1949, 1951, 1952 |
200 m | 1936, 1937, 1938, 1939, 1940, 1944, 1946, 1947, 1948, 1950, 1951, 1952 |
80 m con valados | 1940, 1944, 1946, 1947, 1948, 1949, 1950, 1951, 1952, 1953, 1954 |
Salto de altura | 1936, 1937, 1939, 1940, 1946, 1947, 1948, 1949, 1950, 1951 |
Salto de lonxitude | 1939, 1940, 1942, 1944, 1946, 1947, 1948, 1950, 1951 |
Lanzamento de peso | 1947, 1955 |
Péntatlon | 1937 |
Notas
[editar | editar a fonte]- ↑ Hall da Fama do Atletismo
- ↑ 2,0 2,1 Trickett, Alex (25 de xaneiro de 2004). "Winner against all odds". BBC News Online. Consultado o 5 de febreiro de 2007.
- ↑ Grandes momentos olímpicos - 2° - Persistência olímpica
- ↑ 4,0 4,1 "Fanny Blankers-Koen passes away at 85 years of age". IAAF. 25 de xaneiro de 2004. Consultado o 7 de agosto de 2012.
- ↑ Obituary Arquivado 24 de setembro de 2015 en Wayback Machine., The Independent, 27 de xaneiro de 2004. Consultado o 5 de febreiro de 2007
- ↑ 6,0 6,1 Fanny Blankers-Koen (3 de febreiro de 2002). "Fanny Blankers-Koen". The Observer. Consultado o 7 de agosto de 2012.
- ↑ 7,0 7,1 "Blankers-Koen dies". BBC News Online. 25 de xaneiro de 2004. Consultado o 5 de febreiro de 2007.
- ↑ Bagchi, Rob (18 de xaneiro de 2012). "50 stunning Olympic moments No10: Fanny Blankers-Koen wins four golds". The Guardian. Consultado o 21 de maio de 2012.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Fanny Blankers-Koen ![]() |
![]() |
A Galipedia ten un portal sobre: Países Baixos |
Bibliografía
[editar | editar a fonte]- Bijkerk, Ton (maio de 2004). "Fanny Blankers-Koen: A Biography". Journal of Olympic History 12–2: 56–60.
- Blankers, Jan; Van Leeuwen, Aad (1949). Fanny : de geschiedenis van 4 gouden medailles. 's-Graveland : Konings Pyramide.
- Kooman, Kees (2003). Een koningin met mannenbenen. Amsterdam: nl: L.J. Veen. ISBN 90-204-0820-8. OCLC 56809653.
Outros artigos
[editar | editar a fonte]Ligazóns externas
[editar | editar a fonte]- Fanny Blankers-Koen Games
- Fanny Blankers-Koen na páxina do movemento olímpico
- Nados na provincia de Utrecht
- Nados en 1918
- Finados en 2004
- Atletas de probas combinadas
- Velocistas
- Saltadores de lonxitude
- Saltadores de altura
- Atletas de valados
- Medallistas olímpicos en atletismo
- Medallistas olímpicos de ouro polos Países Baixos
- Medallistas nos Xogos Olímpicos de 1948
- Finados por Alzheimer
- Lanzadores de peso