Fundación CB Granada
Fundación CB Granada | |
Información xeral | |
---|---|
Liga | ACB |
Fundación | 2012 |
Cores | Vermello, negro |
Presidente | Óscar Fernández-Arenas |
Adestrador | Pablo Pin |
Patrocinador | Covirán |
Localización | |
Cidade | Granada, España |
Pavillón | Palacio Municipal |
Capacidade | 9 507 |
Inauguración | 1991 |
Campionatos | |
Liga LEB | 1 (2022) |
fundacioncbgranada.es |
- Para o equipo de baloncesto de Granada que competiu entre 1996 e 2011 na Liga ACB, véxase CB Granada.
A Fundación Club Baloncesto Granada, coñecido por motivos de patrocinio como Covirán Granada, é un club de baloncesto profesional con sede na cidade de Granada, España, que xoga actualmente na Liga ACB. Fundado no ano 2012 como sucesor do desaparecido Club Baloncesto Granada, chegou á máxima categoría do baloncesto español por primeira vez en 2022. O club xoga os seus encontros como local no Palacio Municipal de Deportes, pavillón con capacidade para 9 507 espectadores.
Historia
[editar | editar a fonte]A Fundación Club Baloncesto Granada foi fundada en 2006 como entidade asociada ao Club Baloncesto Granada, co obxectivo de promover o baloncesto e outro tipo de actividades non lucrativas na provincia de Granada. No ano 2012, despois da disolución do CB Granada, a entidade decidiu crear un equipo de baloncesto sénior que puidese substituír o desaparecido na cidade. Na súa primeira temporada, o club ascendeu á Liga EBA após finalizar campión do grupo andaluz da Primeira División de Baloncesto,[1] quinta categoría do baloncesto español. No ano 2013 o club comeza a denominarse Covirán Granada por motivos de patrocinio.
Dous anos despois, en 2015, o Covirán Granada clasifícase para a fase final da Liga EBA. Nesta fase, disputada en Albacete, o equipo finaliza primeiro e acada o ascenso LEB Prata, a terceira categoría do baloncesto español.[2] En 2017 o Granada consegue o seu primeiro título, a Copa LEB Prata, despois de vencer ao HLA Alicante por 80–74. Con todo, o equipo non consegue o ascenso á LEB Ouro despois de seren eliminados polo Sammic ISB en semifinais. AO ano seguinte o Granada consegue reter o título de campión da Copa LEB Prata, esta vez após vencer na final ao Fundación Globalcaja La Roda por 71–63. Na liga esta vez o desenlace sería diferente e o club consegue ascender á LEB Ouro.
Na segunda categoría permance durante catro temporadas. Na primeira temporada, a 2018−19, consegue clasificarse en oitavo lugar e disputar os playoffs polo ascenso, onde perden na primeira rolda ante o Iberojet Palma. Na segunda tempada o equipo sofre e finaliza en décimo terceiro lugar no momento en que a competición se detivo por mor da pandemia de COVID-19. Na tempada 2020−21, nunha categoría con dous grupos e con só unha praza de ascenso, o Granada consegue chegar a final. Con todo, no xogo definitivo son derrotados ostensiblemente en Granada polo Club Baloncesto Breogán no Palacio Municipal de Deportes (57−83).[3] Ao ano seguinte, xa co formato tradicional, o Granada consegue o primeiro posto e o seu primeiro ascenso á Liga ACB.[4]
Pavillón
[editar | editar a fonte]- Artigo principal: Palacio Municipal de Deportes de Granada.
O Fundación CB Granada xoga so seus encontros como local no Palacio Municipal de Deportes de Granada, un pavillón multiúsos situado no Paseo do Emperador Carlos V de Granada, con capacidade para 9000 espectadores. Foi o pavillón do CB Granada ata a súa desaparición no ano 2012.
Xogadores
[editar | editar a fonte]Elenco actual =
[editar | editar a fonte]Covirán Granada 2022−2023 | ||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Xogadores | Adestradores | |||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
Destacados
[editar | editar a fonte]Adestradores
[editar | editar a fonte]- Pablo Pin (2012−presente)
Palmarés
[editar | editar a fonte]- Campións (1): 2022
- Subcampións (1): 2021
- Campións (1): 2018
- Campións (2): 2017, 2018
Historial
[editar | editar a fonte]Ano | Nivel | Liga | Pos. | V–D | Copa do Rei | Outras copas | |
---|---|---|---|---|---|---|---|
2012−13 | 5 | Autonómica | 2º | 12–7 | |||
2013−14 | 4 | EBA | 4º | 16–6 | |||
2014−15 | 4 | EBA | 3º | 22–7 | |||
2015−16 | 3 | LEB Prata | 8º | 15–13 | |||
2016−17 | 3 | LEB Prata | 4º | 25–13 | Copa LEB Prata | 1º | |
2017−18 | 3 | LEB Prata | 1º | 23–7 | Copa LEB Prata | 1º | |
2018−19 | 2 | LEB Ouro | 8º | 22–17 | |||
2019−20 | 2 | LEB Ouro | 13º | 9–15 | |||
2020−21 | 2 | LEB Ouro | 2º | 25–12 | |||
2021−22 | 2 | LEB Ouro | 1º | 26–8 | Copa Princesa | 2º |
Notas
[editar | editar a fonte]- ↑ "Tourapp Fundación CBG asciende a Liga EBA" [Tourapp Fundación CBG ascende á Liga EBA] (en castelán). Granada Deporte. 28 de abril 2013. Arquivado dende o orixinal o 24 de decembro de 2019. Consultado o 20 de xullo de 2022.
- ↑ "El Covirán Granada sube a la LEB Plata" [O Covirán Granada ascende á LEB Prata] (en castelán). El Ideal. 25 de maio de 2015.
- ↑ "O Breogán volve á ACB pola porta grande". Nós Diario. 21 de xuño de 2021.
- ↑ Martínez, José Luis (13 de maio de 2022). "El Covirán Granada certifica su ascenso a la ACB como campeón de la LEB Oro" [O Covirán Granada confirma o seu ascenso á ACB como campión da LEB] (en castelán). Marca.