Hathor
![](http://178.128.105.246/cars-http-upload.wikimedia.org/wikipedia/commons/7/71/Hathor-Meyers.png)
![](http://178.128.105.246/cars-http-upload.wikimedia.org/wikipedia/commons/thumb/3/35/Egypt.Hathor.jpg/200px-Egypt.Hathor.jpg)
![](http://178.128.105.246/cars-http-upload.wikimedia.org/wikipedia/commons/thumb/d/da/Egypt.Dendera.Hathor.01.jpg/200px-Egypt.Dendera.Hathor.01.jpg)
![](http://178.128.105.246/cars-http-upload.wikimedia.org/wikipedia/commons/thumb/2/2a/Dendera_Hathor.jpg/190px-Dendera_Hathor.jpg)
|
ou
|
Hathor Hwt-Hert, Het-Heru, Het-hert, nome co significado de Casa de Horus. Nome exipcio Hut-Hor. Nome grego: Hathor. Deidade grega: Afrodita. Deidade fenicia: Astarté. Deidade semita: Baalat.
Señora do ceo, deusa do amor, deusa nutricia, do baile e as artes musicais e patroa dos ebrios na mitoloxía exipcia. Foi unha das deusas mais veneradas do Antigo Exipto
Iconografía
[editar | editar a fonte]Representada baixo tres aspectos:
- En forma de vaca.
- Como muller con orellas e cornos do mesmo animal.
- Como muller cun toucado consitente nunha peluca, cornos e un disco solar.
O seu atributo era o sistro.
Na súa faceta vingadora comparte en moitas ocasións o aspecto leonino da deusa Sekhmet, e baixo esta forma é considerada como un dos ollos do deus solar Ra.
Mitoloxía
[editar | editar a fonte]Foi a nai do deus Horus, aínda que algunhas fontes suxiren que había un matrimonio sagrado con Horus como parte do festival anual en Luxor. Xuntos vingaron a morte do pai de Horus, o deus Osiris.
Xa que o faraón é identificado con Horus, Hathor é considerada como a nai divina de cada monarca reinante (entre os títulos reais figura o de Fillo de Hathor).
Baixo a forma dunha vaca acolle e protexe aos defuntos, ofrecendo alimentos aos mortos. Máis tarde se identificou con Isis, que a substituíu como madre de Horus.
En Dendera, onde se atopaba o seu principal centro de culto, era a deusa do amor, a maternidade, a beleza xuvenil, a alegría e o erotismo. Na súa faceta funeraria, especialmente na zona oeste de Tebas era denominada Señora de Occidente. Entendíase que cada atardecer recibía o sol poñente, ao que protexía ata o seguinte amencer.
Entre os seus poderes críase que podía fixar o destino e a sorte dos meniños.
Tivo templos dedicados en Abu Simbel – identificada con Nefertari –, File, Deir el-Medina, Deir el-Bahari, Dendera, Serabit el-Jadim (Sinaí) ou Menfis.
A imaxe da cabeza da deusa foi esculpida nos capiteis das columnas de moitos templos e capelas, denominándose capiteles hathóricos. Foi a única deidade representada de tan singular maneira.
![]() |
Commons ten máis contidos multimedia sobre: Hathor |