La Caleta, Málaga
Localización | ||||
---|---|---|---|---|
| ||||
Estado | España | |||
Comunidade autónoma | Andalucía | |||
Provincia | Provincia de Málaga | |||
Municipio | Málaga | |||
District of Málaga (en) ![]() | Centro (District 1) (en) ![]() ![]() | |||
![](http://178.128.105.246/cars-http-upload.wikimedia.org/wikipedia/commons/thumb/a/aa/Caleta_Palace.jpg/250px-Caleta_Palace.jpg)
La Caleta é un barrio do distrito Centro da cidade de Málaga, en Andalucía (España). Ocupa unha estreita franxa costeira entre o barrio de La Malagueta, ao oeste, e o barrio de Bellavista, ao leste. O límite sur fórmao o mar Mediterráneo, mentres que o límite norte constitúeno a Avenida de Príes e o Paseo de Sancha, que o separan dos barrios da Cañada de los Ingleses, Monte Sancha, El Limonar e Miramar.[1]
La Caleta foi inmortalizada na obra de Isaac Albéniz Rumores de la Caleta.[2]
Historia
[editar | editar a fonte]Coñécese a existencia dalgunhas vivendas de pescadores na zona que ocupa o actual barrio durante a época musulmá. Tras a toma de Málaga polos Reis Católicos, a zona comezou a ser coñecida como La Caleta del Marqués, por ser neste lugar onde instalou o seu campamento o Marqués de Vélez durante o asedio. A finais do século XVII realizáronse traballos para achandar o terreo montañoso, coa creación dunha vía arborizada, pontes e rotondas e, xa no século XIX converteuse nunha área recreativa para a celebración de romarías e festexo do Nadal.[2]
Como outros barrios da zona leste de Málaga, La Caleta comezou a tomar forma urbana a finais do século XIX, cando foi escollida como zona de residencia da alta burguesía da época e empezaron a xurdir luxosas vilas residenciais que aínda forman a tipoloxía edilicia preponderante no barrio.
Lugares de interese
[editar | editar a fonte]- Palacio de Miramar
- Hotel Caleta Palace
- Vila Cele María
- Paseo de Sancha 34 e 36
- Casas de Cantó
Transporte
[editar | editar a fonte]En autobús o barrio queda conectado mediante as seguintes liñas da EMT: C3, 11, 32, 33, 34, 35 e N1.
Notas
[editar | editar a fonte]- ↑ "Plano oficial de delimitación de barrios do distrito 1" (PDF). Arquivado dende o orixinal (PDF) o 01 de marzo de 2014. Consultado o 05 de febreiro de 2017.
- ↑ 2,0 2,1 Lara Villodres, Antonio. El Avisador Malagueño nº 55, ed. "La Caleta de Málaga" (PDF). Arquivado dende o orixinal (PDF) o 12 de xuño de 2013. Consultado o 25 de maio de 2011.
![]() |
Wikimedia Commons ten máis contidos multimedia na categoría: La Caleta, Málaga ![]() |