Langon, Xironda
Langon (fr) ![]() | |||||
Localización | |||||
---|---|---|---|---|---|
| |||||
Estado | Francia | ||||
Divisións administrativas | Francia Metropolitana | ||||
Rexións | Aquitania-Lemosín-Poitou-Charentes | ||||
Departamento | Xironda | ||||
Distritos | arrondissement of Langon (en) ![]() | ||||
Cantón | canton of Langon (en) ![]() ![]() | ||||
Capital de | |||||
Poboación | |||||
Poboación | 7.345 (2021) ![]() | ||||
Xeografía | |||||
Situado na entidade territorial estatística | Q108921269 ![]() Q24933440 ![]() ![]() | ||||
Superficie | 13,71 km² ![]() | ||||
Bañado por | Río Garona ![]() | ||||
Altitude | 23 m ![]() | ||||
Comparte fronteira con | |||||
Identificador descritivo | |||||
Código postal | 33210 ![]() | ||||
Fuso horario | |||||
Outro | |||||
Irmandado con | |||||
Páxina web | langon33.fr ![]() |
Langon (en gascón, Lengon) é un concello francés, situado no departamento da Xironda e a rexión da Aquitania, capital de distrito electoral.
Os seus habitantes teñen o xentilicio de langoneses.
Xeografía
[editar | editar a fonte]A cidade de Langon, e a súa área urbana no Sul-Gironda, atópase a 48 km ao sur leste de Bordeos na beira esquerda do Garona, preto do límite entre viñedos das Graves e o linde das Fragas das Landas.
Tradicionalmente parada da estrada Bordeos a Tolosa, a vila é hoxe en día comunicada pola SNCF, estación de Langon da liña de Bordeos a Sète, e pola autoestrada dos Dous Mares (A62) de Bordeos a Tolosa.
Historia
[editar | editar a fonte]A historia da cidade non se desliga da de Bazas, quince quilómetros ao sur, importante centro militar e relixioso da antigüidade ata o século XVIII, da que Langon era o seu porto no río Garona, rivalizando en tempo co de Bordeos. Aproveitando a súa situación privilexiada en torno a un cóbado do río, na confluencia co Brion, Langon pasa a ser unha cidade con mercado, da estrada entre Bordeos e Agen. Conta con dúas freguesías dende o século XII, Nosa Señora e Santo Xervasio, formando dous barrios unidos da vila.
Langon salienta polo viño, do que obtivo beneficio e tamén polo porto, no cruzamento do Sauternais e das Graves. Entra nun decline relativo a partir do século XVIII, perdendo a súa diocese despois da Revolución francesa, o seu tribunal de grande instancia no século XX, e boa parte dos seus artesáns, mais Langon coñece unha repunta comercial e industrial. En 1923, os distritos de Bazas e La Réole fusiónanse, e Langon recupera a sub-prefectura.
Culturalmente, Langon sitúase no área do gascón. O nome da cidade en Gascón é Lengon (pronunciado Lengún). E forma parte da rexión histórica do Bazadais.
Heráldica
[editar | editar a fonte]O escudo da cidade contén, en fondo de ouro, tres barras verticais vermellas.
Demografía
[editar | editar a fonte]A aglomeración de Langon conta (nun perímetro idéntico ao do 1999) con 10.568 habitantes en 2006, un 18 % máis ca en 1999, cando tiña 8.975 habitantes. As outras comunidades da aglomeración son Toulenne (2.405 habitantes) e Saint-Pierre-de-Mons (1.028 habitantes). A área urbana conta (nun perímetro idéntico ao do 1999) con 13.687 habitantes en 2006 contra 11.423 habitantes no censo de 1999 sendo un aumento do 20% e tres comunidades máis: Fargues (1.526 habitantes), Roaillan (1.096 habitantes) e Saint-Pardon-de-Conques (497 habitantes). O crecemento demográfico, debido ao establecemento da aglomeración de Bordeos, é actualmente sostido, e debería traducirse nun aumento nas cifras do vindeiro censo.
Economía
[editar | editar a fonte]![](http://178.128.105.246/cars-http-upload.wikimedia.org/wikipedia/commons/thumb/8/8a/Gironde_map_routes_villes.png/220px-Gironde_map_routes_villes.png)
A cidade dispón dunha delegación da Cámara de comercio e industria de Bordeos.
A autoestrada A65, en construción dende xuño de 2008, vai unir Langon e Pau.
Lugares e monumentos
[editar | editar a fonte]- Igrexa de Saint-Gervais. Destruída e despois reconstruída no século XII, en primeiro estilo gótico, foi rematada no século XIX. En 1966, descubriuse aquí unha pintura de Francisco de Zurbarán (1598-1664), A inmaculada concepción (1661).
- Os restos da igrexa da nosa señora do burgo. Igrexa do século XII, numerosas veces restaurada, que foi sometida a importantes destrucións antes de pasar a ser patrimonio nacional durante a revolución, foi transformada en lugar de reunión e espectáculos coma o cinema. En 1926, o propietario decidiu vender a meirande parte dos capiteis a un rico coleccionista norteamericano. Oito deles está hoxe en día expostos no Museo dos claustros en Nova York.
- A mesquita do parque dos "Vergers". Construído no século XIX no gusto do orientalismo, e non coma lugar de culto, non serviu máis que lugar de peso dos participantes nas probas do hipódromo.
- Os peiraos. O porto de Langon coñeceu o seu apoxeo no século XVII, na época onde os viños partían cara Bordeos polo río. Hoxe é lugar de paseo, un tanto esquecido. Máis arriba instalouse un porto industrial para o transporte de pezas dende o Atlántico ata a aglomeración tolosana.
- Castelo de Respide.
Vida local
[editar | editar a fonte]O xornal republicano Sud-Gironde, instalouse en Langon dende o comezo dos anos 1990.
Educación
[editar | editar a fonte]- Hai escolas elementais e institutos.
- Unha biblioteca municipal completa o apartado educativo.
Servizos públicos
[editar | editar a fonte]Langon é sede dunha subprefectura, un centro hospitalario (Général Pasteur), un servizo provincial de bombeiros, un posto policial, unha estafeta de correos, unha recadación tributaria, unha casa de retiro, unha oficina de turismo e unha oficina de emprego.
Deporte
[editar | editar a fonte]- O Stade langonnais, club de rugby de XV.
- Etapa da Volta ciclista a Francia en tres ocasións: 1975, 1976 e 1984.
Cultura
[editar | editar a fonte]- O festival de música As noites atípicas de Langon proxecto para salientar a diversidade cultural facendo descubrir músicas do mundo todos os anos no mes de xullo.
- A asociación l'Ours polar para promocionar a novela policial e negra.
Cidades irmandadas
[editar | editar a fonte]Personalidades relacionadas coa vila
[editar | editar a fonte]- Louis Ducos du Hauron (1837 en Langon - 1920), físico, inventor do proceso de tricromía para a fotografía a cor.
- François Mauriac (1885-1970), que aquí tiña un tío, situando en Langon a acción da súa novela Génitrix (1923).
- Raymond Oliver (nado en Langon en 1909 - 1990), cociñeiro.
- Robert Escarpit (1919 - 2000 en Langon), universitario, xornalista e escritor.
- Martine Faure (nado en Langon en 1948), Deputado pola Gironda, 9ª distrito, da Deputación da Gironda.
- André Demptos (nado en Langon en 1953), actor dramático.
- Henri-Pierre Vermis (nado en Langon en 1980), xogador de rugby de XV.
- Benjamin Sore (nado en Langon en 1987), xogador de rugby de XV no SC Albi.
- Benjamin Fall (nado en Langon en 1989), xogador de rugby de XV.