Manat acerbaixano
- Para a moeda de Turkmenistán, véxase Manat turcomán.
Manat acerbaixano | |
---|---|
'Azərbaycan manatı en azarí | |
![]() | ![]() |
manat acerbaixano | manat acerbaixano |
Código: | AZN |
Ámbito: | ![]() |
Símbolo: | ₼, m, man |
Fracción: | 100 qəpik |
Moedas: | 1, 3, 5, 10, 20 e 50 qəpik. |
Billetes: | 1, 5, 10, 20, 50, 100, 200 manat. |
Emisor: | Banco Central da República de Acerbaixán. |
Taxa de troco: 20-4-2020 [1] | 1 EUR = 1,84 AZN 1 USD = 1,7 AZN |
O manat acerbaixano (código: AZN; símbolo: ₼) é a unidade monetaria de Acerbaixán desde 2006.
O seu código ISO 4217 é AZN desde o 1 de xaneiro de 2006, e ata esa data era AZM) e como símbolo escolleuse unha especie de letra m estilizada (úsase tamén "m" ou "man").
Subdivídese e 100 qəpik como moeda divisionaria, fracción que non se utilizou entre 1993 e 2005 por mor da forte inflación, mais que se introduciu novamente o 1 de xaneiro de 2006.[2][3]
Etimoloxía
[editar | editar a fonte]O termo manat tomouse do persa munāt e do ruso Монета, vocábulos que en ambos os casos proceden da palabra latina moneta, de onde deriva tamén a nosa "moeda". Manat foi, así mesmo, a palabra coa que se designou o rublo soviético tanto na lingua azarí como na turcomá.[3][4]
Primeiro manat (1919-1923)
[editar | editar a fonte]A República Democrática de Acerbaixán e a súa sucesora, a República Socialista Soviética de Acerbaixán, emitiron a súa propia moeda entre 1919 e 1923. Esa primeira unidade monetaria recibiu o nome de manat (منات) en azarí e de rublo (рубль) en ruso, e nos billetes a denominación da moeda aparecía en ambos os idiomas e, nalgúns casos, tamén en francés. O manat substituíu o primeiro rublo transcaucásico á par e foi, pola súa vez, substituído polo segundo rublo transcaucásico, logo de que Acerbaixán se convertese en parte da República Socialista Soviética Federativa Transcaucásica. Non se emitiron subdivisións e o manat, nesta etapa, só se emitiu en forma de billete.[5]
![](http://178.128.105.246/cars-http-upload.wikimedia.org/wikipedia/commons/thumb/0/06/10_th_roubles_1921.jpg/189px-10_th_roubles_1921.jpg)
Billetes
[editar | editar a fonte]A República Democrática de Acerbaixán emitiu billetes cos valores nominais de 25, 50, 100, 250 e 500 manats, en tanto que a República Socialista Soviética de Acerbaixán puxo en circulación billetes de 5, 100, 1.000, 5.000, 10.000, 25.000, 50.000, 100.000, 250.000, 1 millón e 5 millóns de manats.[5]
Segundo manat (1992-2006)
[editar | editar a fonte]O segundo manat foi introducido o 15 de agosto 1992. O seu código ISO 4217 era AZM e instituíuse en substitución do rublo soviético, cunha taxa de cambio de 10 rublos por 1 manat.[6]
Desde principios de 2002 ata principios de 2005, o tipo de cambio mantívose bastante estable, e só variou dentro dunha banda de 4.770 a 4.990 manats por dólar. Mais a partir da primavera de 2005 comezou a producirse un lixeiro pero constante incremento do valor do manat fronte ao dólar; a razón máis probable foi o aumento do fluxo de Petrodólares cara ao país, xunto co prezo xeralmente alto do petróleo no mercado mundial. A finais de 2005, un dólar valía 4.591 manats. En consecuencia, os billetes de menos de 100 manats desapareceran da circulación en 2005, do mesmo xeito que socedera xa anos antes coas moedas divisionarias expresadas en qəpik.[6]
Moedas
[editar | editar a fonte]Correspondentes a esta segunda época do manat emitíronse moedas divisionarias con valores de 5, 10, 20 e 50 qəpik, datadas en 1992 e en 1993. Aínda que se utilizou o níquel e o latón para algunha destas cuñaxes en 1992 (e, nalgúns casos, en 1993), as derradeiras emisións foron en aluminio. Estas moedas tiveron moi pouca circulación.
Imaxe | Valor | Metal | Diámetro | Grosor | Peso | Ano |
---|---|---|---|---|---|---|
![]() |
5 qəpik [7] | Bronce | 17 | 1,35 | 2,40 | 1992 |
![]() |
5 qəpik [8] | Aluminio | 17,1 | 1,5 | 0,85 | 1993 |
![]() |
10 qəpik [9] | Aluminio | 18,6 | 1,6 | 1,01 | 1992 |
![]() |
20 qəpik [10] | Bronce | 20 | 1,45 | 3,23 | 1992 |
![]() |
20 qəpik [11] | Aluminio | 20,1 | 1,5 | 1,15 | 1992
1993 |
![]() |
50 qəpik [12] | Níquel | 23 | 1,5 | 5,2 | 1992 |
![]() |
50 qəpik [13] | Aluminio | 23 | 1,6 | 1,45 | 1992
1993 |
Billetes
[editar | editar a fonte]Estes son os billetes emitidos durante a segunda etapa do manat acerbaixano.[14]
Imaxe | Valor nominal | Dimensión | Cor | Descrición | Emisión | ||
---|---|---|---|---|---|---|---|
Anverso | Reverso | Anverso | Reverso | ||||
![]() |
![]() |
1 manat [15] | 125 × 63 mm | Gris/rosa | Torre da Doncela (Bakú) | Ornamentos | 1992 |
![]() |
![]() |
1 manat [16] | 125 × 63 mm | Azul/amarelo | Torre da Doncela (Bakú) | Ornamentos | 1993 |
![]() |
![]() |
5 manat [17] | 125 × 63 mm | Rosa/gris | Torre da Doncela (Bakú) | Ornamentos | 1993 |
![]() |
![]() |
10 manat [18] | 125 × 63 mm | Verde | Torre da Doncela (Bakú) | Ornamentos | 1992 |
![]() |
![]() |
10 manat [19] | 125 × 63 mm | Gris | Torre da Doncela (Bakú) | Ornamentos | 1993 |
![]() |
![]() |
50 manat [20] | 125 × 63 mm | Vermello | Torre da Doncela (Bakú) | Ornamentos | 1993 |
![]() |
![]() |
100 manat [21] | 125 × 63 mm | Vermello/azul | Torre da Doncela (Bakú) | Ornamentos | 1993 |
![]() |
![]() |
250 manat [22] | 125 × 63 mm | Azul | Torre da Doncela (Bakú) | Ornamentos | 1992 |
centro|120x120px | ![]() |
500 manat [23] | 125 × 63 mm | Marrón/amarelo | Nezamí Ganyabí | Ornamentos | 1993 |
![]() |
![]() |
1.000 manat [24] | 125 × 63 mm | Marrón/azul | Mammed Amin Rasulzade | Ornamentos | 1993 |
![]() |
![]() |
1.000 manat [25] | 125 × 63 mm | Azul | Refinaría | Ornamentos | 2001 |
![]() |
![]() |
10.000 manat [26] | 130 × 63 mm | Granate | Palacio dos Shirvanshah | Ornamentos | 1994 |
![]() |
![]() |
50.000 manat [27] | 132 × 66 mm | Azul | Mausoleo de Momine Khatum | Ornamentos | 1995 |
Terceiro manat (desde 2006)
[editar | editar a fonte]O 1 de xaneiro de 2006 implantouse unha nova xeración do manat, con código ISO 4217 e que se coñece como "manat moeda nacional". A taxa de cambio co anterior manat foi dun dos novos por 5.000 dos antigos. A partir do 1 de outubro de 2005, os prezos xa se indicaban en ambas as moedas, para lle facilitar a transición á poboación. Coa nova moeda reintroducíronse no sistema as moedas con valores expresados en qəpik, que desapareceran da circulación xa en 1993, por mor da inflación.[3][28]
Símbolo
[editar | editar a fonte]![](http://178.128.105.246/cars-http-upload.wikimedia.org/wikipedia/commons/thumb/d/dd/Azeri_manat_symbol.jpg/82px-Azeri_manat_symbol.jpg)
Tanto os novos billetes desta etapa do manat acerbaixano como o seu símbolo (₼) foron deseñados en 2006 por Robert Kalina, o deseñador austríaco que se encargou tamén da creación da primeira serie de billetes de euro. O símbolo engadiuse ao estándar Unicode (U+20BC) en 2013, logo dalgunhas tentativas sen éxito en 2008 e en 2011.[29] O símbolo inspirouse no do euro (€), baseado nunha proposta inicial de Mykyta Yevstifeyev, e lembra este símbolo xirado 90º en sentido horario.[3][30]
Moedas
[editar | editar a fonte]As moedas en circulación son as de 1, 3, 5, 10, 20 e 50 qəpik. A maioría delas lembran, tanto no deseño como no seu tamaño, as moedas do euro, en particular a moeda bimetálica de 50 qəpik (similar á de 2 euros) e a de 10 qəpik (cun deseño coñecido como "flor española", similar á de 20 céntimos de euro). As moedas puxéronse en circulación en xaneiro de 2006 e non amosan o ano de cuñaxe nin de emisión.[3][31]
Imaxe | Valor nominal | Parámetros técnicos | Descrición | |||||
---|---|---|---|---|---|---|---|---|
Anverso | Reverso | Diámetro | Peso | Aliaxe | Canto | Anverso | Reverso | |
![]() |
![]() |
1 qəpik | 16,25 mm | 2,8 g | Aceiro con baño de cobre. | Liso. | Mapa de Acerbaixán, nome do país e valor. | Instrumentos musicais tradicionais e valor. |
![]() |
![]() |
3 qəpik | 18 mm | 3,45 g | Liso con fenda. | Libros e pluma, e valor. | ||
![]() |
![]() |
5 qəpik | 19,75 mm | 4,85 g | Estriado. | Torre da Doncela (Bakú) e valor. | ||
![]() |
![]() |
10 qəpik | 22,25 mm | 5,1 g | Aceiro bañado de latón. | Liso con sete amosegas ("flor española"). | Casco antigo de Nagorno-Karabakh e valor. | |
![]() |
![]() |
20 qəpik | 24,25 mm | 6,6 g | Estriado a segmentos. | Escaleira, símbolos xeométricos e valor. | ||
![]() |
![]() |
50 qəpik | 25,5 mm | 7,7 g | Centro: aceiro bañado en latón. Aro: aceiro inoxidable. | Estriado con lenda: AZƏRBAYCAN RESPUBLIKASI | Pozos petrolíferos e valor. |
Billetes
[editar | editar a fonte]Os billetes postos en circulación teñen os valores de 1, 5, 10, 20, 50, 100 e 200 manats. O seu deseñador, Robert Kalina, é autor non só destes billetes e dos do euro, senón doutros correspondentes aos sistemas da libra siria, o marco convertible bosníaco ou o antigo xilin austríaco. Os billetes teñen certas semellanzas cos do euro e os criterios de elección dos seus motivos inspiráronse nos dos billetes da Eurozona.[3][32]
En 2009 o Banco Nacional de Acerbaixán (Azərbaycan Milli Bankı) cambiou o seu nome polo de Banco Central da República de Acerbaixán (Azərbaycan Respublikasının Mərkəzi Bankı). En 2010 emitiuse o billete dun manat que xa reproducía esta nova denominación do banco emisor, ao que se lle sumou en 2012 o de 5 manats. En 2017 emitiuse un billete de 100 manats que, datado en 2013, aínda que coa nova denominación do banco emisor.[3]
En 2011 o Ministerio de Facenda de Acerbaixán anunciou que estaba a considerar a emisión de billetes con valores de 2 e de 3 manats, así como outros con valores superiores ao de 100 manats.[33] En febreiro de 2013, o Banco Central da República de Acerbaixán anunciou a posta en circulación de billetes dun valor máis alto que o dos existentes.[34] Non foi ata 2018 cando se introduciu o novo billete de 200 manats, conmemorativo do 95 aniversario do expresidente acerbaixano Heydər Əliyev.[3][35]
Imaxe | Valor nominal | Dimensión | Cor | Descrición | Emisión | ||
---|---|---|---|---|---|---|---|
Anverso | Reverso | Anverso | Reverso | ||||
![]() |
![]() |
1 manat [36] | 120 × 70 mm | Gris | Instrumentos musicais tradicionais. | Mapas e ornamentos. | 2005
2009 2017 |
![]() |
![]() |
5 manat [37] | 120 × 70 mm | Laranxa | Escritores e libros acerbaixanos e extracto do himno nacional. | Mapas e ornamentos. Debuxos rupestres ce Gobustan. | 2005
2009 2017 |
![]() |
![]() |
10 manat [38] | 134 × 70 mm | Verde azulado | Representación do antigo Bakú | Mapas e ornamentos. | 2005
2018 |
![]() |
![]() |
20 manat [39] | 141 × 70 mm | Verde | Símbolos de poder: espada, casco e escudo. | Mapas e ornamentos. Símbolo da paz (harybulbul) | 2005 |
![]() |
![]() |
50 manat [40] | 148 × 70 mm | Amarelo | Xuventude e símbolos de progreso, coñecemento e ciencia. | Mapas e ornamentos. | 2005 |
![]() |
![]() |
100 manat [41] | 155 × 70 mm | Violeta | Padróns arquitectónicos desde a Antigüidade e símbolo ₼. | Mapas e ornamentos | 2005
2013 |
![]() |
![]() |
200 manat [42] | 160 × 70 mm | Azul | Arquitectura moderna: centro Heydar Aliyev (Bakú). | Mapas e ornamentos | 2018 |
Notas
[editar | editar a fonte]- ↑ Sitio web do Banco Central da República de Acerbaixán
- ↑ "Currency in circulation". Central Bank of the Republic of Azerbaijan.
- ↑ 3,0 3,1 3,2 3,3 3,4 3,5 3,6 3,7 "Azerbaijan Manat Arquivado 01 de xuño de 2020 en Wayback Machine.". Museum.tujue.eu
- ↑ "Manat". Merriam-Webster Dictionary.
- ↑ 5,0 5,1 "History of national currency". Central Bank of the Republic of Azerbaijan.
- ↑ 6,0 6,1 "Currency withdrawn from circulation". Central Bank of the republic of Azerbaijan.
- ↑ "5 Qəpik". Numista.
- ↑ "5 Qəpik". Numista.
- ↑ "10 Qəpik". Numista.
- ↑ "20 Qəpik". Numista.
- ↑ "20 Qəpik". Numista.
- ↑ "50 Qəpik". Numista.
- ↑ "50 Qəpik". Numista.
- ↑ "AZE Republic of Azerbaijan". Banknoter.com
- ↑ "1 MANAT FROM 1992". RealBanknotes.com
- ↑ "1 MANAT FROM 1993".RealBanknotes.com
- ↑ "5 MANAT FROM 1993".RealBanknotes.com
- ↑ "10 MANAT FROM 1992". RealBanknotes.com
- ↑ "10 MANAT FROM 1993". RealBanknotes.com
- ↑ "50 MANAT FROM 1993". RealBanknotes.com
- ↑ "100 MANAT FROM 1993". RealBanknotes.com
- ↑ "250 MANAT FROM 1992". RealBanknotes.com
- ↑ "500 MANAT FROM 1993". RealBanknotes.com
- ↑ "1.000 MANAT FROM 1993". RealBanknotes.com
- ↑ "1.000 MANAT FROM 2001". RealBanknotes.com
- ↑ "10.000 MANAT FROM 1994". RealBanknotes.com
- ↑ "50.000 MANAT FROM 1994". RealBanknotes.com
- ↑ "Currency codes". Publications.europa.eu
- ↑ "Unicode Character 'MANAT SIGN' (U+20BC)". File.Format.Info
- ↑ "Proposal to add the currency sign for the Azerbaijani Manat to the UCS Arquivado 17 de maio de 2017 en Wayback Machine.". International Organization for Standardization.
- ↑ "Currency in circulation: Coins". Central Bank of the Republic of Azerbaijan.
- ↑ "Currency in circulation: Banknotes Arquivado 05 de decembro de 2020 en Wayback Machine.". Central Bank of the Republic of Azerbaijan.
- ↑ "В Азербайджане предлагается ввести банкноты мелкого номинала". En Trend. News Agency.
- ↑ "Центробанк Азербайджана отказался от выпуска в 2013 году банкнот крупного номинала". En Trend. News Agency.
- ↑ "Central Bank presents new currency". Central Bank of the Republic of Azerbaijan.
- ↑ "1 MANAT FROM 2017". RealBanknotes.com
- ↑ "5 MANAT FROM 2017". RealBanknotes.com
- ↑ "10 MANAT FROM 2018". RealBanknotes.com
- ↑ "20 MANAT FROM 2005". RealBanknotes.com
- ↑ "50 MANAT FROM 2005". RealBanknotes.com
- ↑ "100 MANAT FROM 2013". RealBanknotes.com
- ↑ "200 MANAT FROM 2018". RealBanknotes.com
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Manat acerbaixano |
Bibliografía
[editar | editar a fonte]- Mehdizade, S. (2006). "Azerbaijan's New Manats: Design and Transition to a New Currency". En Azerbaijan International. Outono de 2006 (14.3. Páxinas 64-69).