Nova Xeorxia
Nova Xeorxia | |
---|---|
Localización da illa nas Illas Salomón | |
O grupo das Illas Nova Xeorxia | |
Situación | |
País | Illas Salomón |
Provincia | Occidental |
Arquipélago | Illas Nova Xeorxia |
Mar | Océano Pacífico |
Coordenadas | 8°15′S 157°30′L / -8.250, -157.500Coordenadas: 8°15′S 157°30′L / -8.250, -157.500 |
Xeografía | |
Xeoloxía | Illa volcánica |
Superficie | 2.044 km² |
Longura máxima | 72 km. |
Punto máis alto | 1.007 |
Demografía | |
Capital | Munda |
Nova Xeorxia[Cómpre referencia] é unha illa das Illas Salomón, no océano Pacífico sur. É a maior das illas que forman parte da provincia Occidental e está integrada no grupo das Illas Nova Xeorxia. A principal cidade da illa é Munda, no lago Roviana, seguida de Boro, 17 km ao norte da primeira, ambas con máis de 3.000 habitantes.
Características
[editar | editar a fonte]Ten unha lonxitude de 72 km no seu lado máis longo e unha superficie de 2.044 km². O punto máis elevado da illa ten unha altura de 1.007 metros. Está situada, do mesmo xeito que o resto das illas do grupo no lado inferior do estreito de Nova Xeorxia. A illa de Kolombangara atópase ao oeste, tras o golfo de Kula, a illa de Vanguna ao leste, e a canle Blanche e as illas de Rendova e Tetepare ao sur.
A illa está cuberta de bosques tropicais, e as actividades económicas principais son a pesca e a silvicultura.
Durante a segunda guerra mundial a illa foi tomada polas tropas xaponesas e posteriormente invadida polas tropas estadounidenses durante a Batalla de Nova Xeorxia. Os primeiros desembarcos estadounidenses producíronse o 30 de xuño de 1943 e a illa foi controlada o 23 de agosto do mesmo ano tras intensas loitas na xungla, aínda que os combates continuaron ata outubro. A cidade de Munda foi a base do exército xaponés e non foi tomada polos estadounidenses ata o 5 de agosto. As instalacións xaponesas de Bairoko Harbor, a 13 km ao norte de Munda, non foron tomadas ata o 25 de agosto.
Na illa fálanse linguas do grupo das linguas de Nova Xeorxia, do grupo austronesio, que á súa vez se dividen en occidentais e orientais.