Pablo Crespo
![]() ![]() | |
Nome orixinal | (es) Pablo Crespo Sabarís ![]() |
---|---|
Biografía | |
Nacemento | 26 de agosto de 1960 ![]() Pontevedra, España ![]() |
Datos persoais | |
País de nacionalidade | España ![]() |
Actividade | |
Ocupación | político , empresario ![]() |
Partido político | Partido Popular ![]() |
Lingua | Lingua castelá ![]() |
Familia![]() | |
Pai | Manuel Crespo Alfaya ![]() |
Pablo Crespo Sabarís, nado en Pontevedra o 26 de agosto de 1960[1], é un empresario e expolítico galego condenado polo caso Gürtel.
Traxectoria
[editar | editar a fonte]Fillo do tamén empresario Manuel Crespo Alfaya, que promovera a Festa do Marisco do Grove e que, como militante de Alianza Popular e despois do Partido Popular, traballara na Xunta de Galicia ás ordes do vicepresidente Mariano Rajoy. Pablo Crespo traballaba a comezos da década dos noventa nunha oficina de banca en Vilagarcía de Arousa. Militante do Partido Popular de Galicia e presidente desta formación na vila arousá (1996-1999), despois de ocupar diversos cargos de confianza de Xosé Cuíña (secretario da xunta directiva provincial de Pontevedra de 1994 a 1996), en 1995 foi nomeado secretario de organización do PP, en substitución de Xoán Manuel Diz Guedes. Nas eleccións de 1997 foi escollido como parlamentario nas listas do PP pola circunscrición de Pontevedra, e permaneceu no cargo ata o 15 de setembro de 1998, cando dimitiu para dar entrada no parlamento á política de Ponteareas Nava Castro.
En 2003, logo da dimisión de Xosé Cuíña como secretario xeral do PP, o novo secretario xeral, Xesús Palmou, relevouno do cargo de secretario de organización, pero permaneceu como representante da consellería de Ordenación do Territorio no consello de administración de Portos de Galicia ata o ano 2005.
Como empresario, é presidente da firma Special Events, dedicada á organización de campañas publicitarias, e é ademais administrador único doutras empresas como unha axencia de viaxes. Algunhas desas empresas tiveron contratos coa administración pública que foron investigados xudicialmente e que acabaron coa súa detención en febreiro de 2009[2], a canda catro persoas máis. A raíz da súa detención, o PP comunicou que xa non era militante do partido. En 2017 foi condenado a trece anos e tres meses de prisión e 24 anos e seis meses de inhabilitación. Debe pagar 3,9 millóns de multa por tráfico de influencias, falsidade documental, suborno, malversación e asociación ilícita[3].
Notas
[editar | editar a fonte]- ↑ Deteñen por corrupción a Pablo Crespo, ex alto cargo do PP galego Arquivado 13 de setembro de 2019 en Wayback Machine., Galicia Hoxe, 7/2/09
- ↑ Pablo Crespo, mano derecha de Cuiña en el PPdeG, detenido por corrupción Arquivado 11 de febreiro de 2009 en Wayback Machine., Faro de Vigo, 7/2/2009
- ↑ Condenan a trece años a Pablo Crespo y Correa por la trama “Gurtel” valenciana diariodeferrol.com