Relicario
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2015.) |
![](http://178.128.105.246/cars-http-upload.wikimedia.org/wikipedia/commons/thumb/8/86/Reliquia_de_Santa_Leticia.jpg/220px-Reliquia_de_Santa_Leticia.jpg)
![](http://178.128.105.246/cars-http-upload.wikimedia.org/wikipedia/commons/thumb/3/3e/Relicarios_de_San_Esteban_y_San_Sebasti%C3%A1n.jpg/220px-Relicarios_de_San_Esteban_y_San_Sebasti%C3%A1n.jpg)
Chámaselle relicario[1] á caixa ou estoxo para gardar reliquias ou recordos dos santos e expoñelas á veneración dos fieis.
Relicarios do cristianismo
[editar | editar a fonte]Estiveron en uso co nome de encólpium xa nos primeiros séculos da Igrexa, aínda que por entón tiñan carácter privado e levábanse pendentes do pescozo en forma de caixiñas ou medallas con figuras e inscricións. Constan exemplares polo menos do século IV e son célebres os que se atopan (século VI) no Tesouro de Monza, regalados por San Gregorio á raíña Teodolina. Entre eles, atópanse certas botelliñas moi comúns naquela época, que só contiñan algodón empapado en aceite bendicido ou tomado das lámpadas que ardían á veira do sepulcro dalgún mártir. Para a veneración pública das reliquias naqueles primeiros sepulcros e altares que as contiñan. Pero dende o século IX comezaron a colocarse ademais sobre o altar relicarios en forma de caixiñas e arquetas.
Esta forma de relicario continuou nos séculos posteriores ata a época de arte oxival sendo preferidas as arquetas máis ou menos capaces e ricas, segundo a magnitude das reliquias e a magnificencia do doante e aproveitándose con frecuencia para o obxecto arquetas de uso profano. Destas, pódense citar:
- A Arca santa das Reliquias da catedral de Oviedo
- A Arca de San Millán
- O cofre de madeira chapeado de prata repuxada e con figuras de Santos na parroquia de Abárzuza (século XI)
- A arqueta de bronce esmaltado e con figuras de relevo no mosteiro de Silos e no Museo de Burgos (século XIII)
- A arqueta de Colonia
- A arqueta de Limoges.
O relicario tomou dende o século XIII formas moi variadas e artísticas, sendo as principais:
- A de arqueta e templete, imitando un templo coas arquerías oxivais e crestería
- A de ostensorio, co seu pé e a súa torre
- A de busto e estatua, coa imaxe do Santo á que pertence a reliquia que alí se recolle.
Notas
[editar | editar a fonte]- ↑ Definicións no Dicionario da Real Academia Galega e no Portal das Palabras para relicario.
Véxase tamén
[editar | editar a fonte]![]() |
Wikimedia Commons ten máis contidos multimedia na categoría: Relicario |