Rexurdimento gaélico
![](http://178.128.105.246/cars-http-upload.wikimedia.org/wikipedia/commons/thumb/d/d0/Frontcover_Gaelic_Journal.jpg/220px-Frontcover_Gaelic_Journal.jpg)
No que atinxe ao nacionalismo irlandés, hai un intento de desvincularse do Imperio Británico, a través dun Renacemento ou Rexurdimento Gaélico, en gaélico irlandés Athbheochan Ghaelach e en inglés Gaelic Revival, termo non oficial e teórico. Segundo Voltaire Schilling,
- "Hoxe ¾ do territorio da illa volveron ao control dos irlandeses libres que se dan présa en recuperar o tempo perdido. Moitos falan dun renacemento gaélico, coa recuperación do seu antigo patrimonio cultural arrasado pola opresión e a persecución. Como tantas outras minorías europeas esmagadas polas forzas dos imperios, buscan restablecer a integridade cultural do seu pasado, anunciando para o século que vén, para o século XXI, unha nova primavera dos pobos"-[1][2]
O Renacemento Gaélico reavivou o interese e a afección pola cultura irlandesa e gaélica no último terzo do século XIX. Nese momento, na maior parte de Irlanda, o uso do irlandés, antigamente a lingua principal, reducíase totalmente como lingua doméstica, en favor do inglés.
Como revelan os traballos dos académicos John O'Donovan e Eugene O'Curry, a finais do século XIX, o interese polo gaélico era evidente, e a creación en 1853 da Asociación Ossian deulle un impulso. En 1876 creouse a Asociación para a Protección dos Irlandeses. En 1882 comezou a publicar o xornal irlandés Irisleabhar na Gaedhilge / The Gaelic Journal.
En canto aos xogos gaélicos, a Asociación Atlética Gaélica, fundada en 1884, fixo un traballo intenso. En 1893 Eoin MacNeill fundou a Conradh na Gaeilge (a Liga Gaélica), o seu primeiro presidente foi o lingüista Douglas Hyde. A Asociación da Liga Gaélica publicou o xornal irlandés An Claidheamh Solís.
Peadar Ua Laoghaire, Patrick Pearse e Pádraic Ó Conaire foron algúns dos escritores máis importantes deste rexurdimento irlandés.
Tamén colaboraron co movemento pancelta noutros países celtas.
Notas
[editar | editar a fonte]- ↑ "Copia arquivada". Arquivado dende o orixinal o 29 de abril de 2011. Consultado o 07 de marzo de 2023.
- ↑ "About: Gaelic revival". dbpedia.org. Consultado o 2023-03-07.
Véxase tamén
[editar | editar a fonte]![]() |
A Galipedia ten un portal sobre: Irlanda |
![]() |
A Galipedia ten un portal sobre: Celtas |
![]() |
Wikimedia Commons ten máis contidos multimedia na categoría: Rexurdimento gaélico |
Outros artigos
[editar | editar a fonte]![]() |
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |