Salamanca Club de Fútbol UDS
Salamanca CF UDS | |||
---|---|---|---|
Nome | Salamanca Club de Fútbol UDS | ||
Alcume(s) | Charros, Blanquinegros | ||
Fundación | 2013 | ||
Estadio | Estadio Helmántico, Villares de la Reina, Salamanca, España | ||
Inauguración | 1970 | ||
Capacidade | 17.341 | ||
Presidente | ![]() | ||
Adestrador | ![]() | ||
Liga | 2ªB - Grupo 2 | ||
2018–19 | 12º web = https://salamancacfuds.es/ | ||
Na rede | |||
https://salamancacfuds.com | |||
| |||
O Salamanca Club de Fútbol UDS é un club de fútbol español da cidade de Salamanca, en Castela e León. Actualmente xoga no grupo II da Segunda División B Española.
Fundouse no verán de 2013 e adquiriu os dereitos competitivos, deportivos e federativos da UD Salamanca, desaparecida o 18 de xuño do mesmo ano.
Historia
[editar | editar a fonte]Durante o verán de 2013, créase o Club Deportivo Club de Fútbol Salmantino, ao que a Fundación UDS cede todos os dereitos competitivos, deportivos e federativos que posuía dos equipos das categorías inferiores, adquirindo os mesmos da concursada UD Salamanca. Durante dúas tempadas compite na praza que correspondía ao CD Salmantino, equipo filial da UD Salamanca, previamente á desaparición do armazón empresarial e deportivo da UD Salamanca.
Con todo, o auto de data 23 de decembro de 2014 da Audiencia Provincial de Salamanca, ditaminou que o actual CF Salmantino considérase un equipo "de nova creación", e que dita cesión de dereitos deportivos, fíxose de maneira contraria ao prescrito polos autos ditados polo xulgado do mercantil Nº 4 de Salamanca, polo que ao finalizar a tempada 2014-15, a Real Federación Española de Fútbol descendeu a todos os equipos do Salmantino á categoría máis baixa das súas respectivas idades, tendo que empezar o primeiro equipo a tempada 2015-16 desde Provincial.
Na tempada 2015-16 o CF Salmantino consegue o ascenso á categoría Rexional. Durante tempada 2016-17, antes de comezar a disputa dalgúns partidos en casa, o CF Salmantino rende distintos homenaxes á UD Salamanca, por exemplo, o recoñecemento aos socios máis antigos da mesma que apoian ao equipo, outorgándolles os 5 primeiros números de carné de socio. Tamén se homenaxeou á antiga sección de atletismo da UD Salamanca, convidando o atleta local Álvaro de Arriba e ao histórico José Luis Sánchez Paraíso a realizar un saque de honra. Outras persoas do ámbito futbolístico de Salamanca tamén mostraron a súa simpatía co proxecto, por exemplo, os ex xogadores Luis García García, José Luis Sánchez Barrios, Ángel de los Santos, César Brito, Pauleta e o tamén ex-seleccionador nacional Vicente del Bosque.
![](http://178.128.105.246/cars-http-upload.wikimedia.org/wikipedia/commons/thumb/c/c8/CFSHelmantico.jpg/250px-CFSHelmantico.jpg)
O 23 de abril de 2017, a cinco xornadas do final de tempada e tras cursar un ano deportivo case perfecto, o CF Salmantino conseguía o ascenso matemático a Terceira División, retornando así á categoría nacional dous anos despois do descenso administrativo.
O 10 de maio de 2017, facíase oficial a compra de varios bens da Unión Deportiva Salamanca (previa autorización xudicial emitida dous días antes) polo CF Salmantino por un prezo de 152.008 €. Os bens adquiridos foron a boutique, marca, escudo, himno, trofeos e documentación histórica da UDS. Para culminar a adquisición e reunión dos símbolos, o día 12 de xullo do mesmo ano, o Club publicou un comunicado anunciando que na tempada 2017-18 pasaría a chamarse CF Salmantino UDS, engadindo as siglas UDS á denominación en honra á Unión Deportiva Salamanca.
Un ano máis tarde, o 24 de xuño de 2018 o Salmantino UDS facía efectivo o seu ascenso a Segunda División B tras gañar a súa eliminatoria contra a SD Compostela por 2-1 no cómputo global. Manuel Lovato, accionista do club, confirmou a transformación do equipo a sociedade anónima deportiva.
O 21 de xullo de 2018, o club anunciou que a partir da tempada 2018-19 usaría o escudo da UD Salamanca, previa autorización oficial da Federación.[1] Uns días máis tarde, anunciouse outro cambio de nome do club, pasando a chamarse Salamanca Club de Fútbol UDS.[2] Este cambio de nome foi autorizado polo Federación a partir da tempada 2019-20.[3]
Estadio
[editar | editar a fonte]O CF Salmantino UDS xoga os seus partidos como local no Estadio Helmántico, con capacidade para 17.341 espectadores. Tras a desaparición da Unión Deportiva Salamanca, no proceso de liquidación concursal, o Estadio Helmántico saíu a poxa, e finalmente escriturouse a favor de Desarrollos Empresariales Deportivos SL, dirixida entón polo empresario mexicano Miguel Alejandro Miranda, o cal compartía proxecto deportivo co CF Salmantino UDS e cedeulle o uso do estadio.
Durante a tempada 2016-17, o Salmantino proponse deseñar un logotipo identificativo para o estadio Helmántico. Dita imaxe comeza a ser utilizada en marzo de 2017.
Datos do club
[editar | editar a fonte]Historial por tempadas
[editar | editar a fonte]Tempada | Categoría | Posto | Copa |
---|---|---|---|
2013/14 | 3ª | 9º | |
2014/15 | 3ª | 9º | |
2015/16 | 1ª Provincial | 1º | |
2016/17 | 1ª Rexional | 1º | |
2017/18 | 3ª | 4º | |
2018/19 | 2ªB | 12º | |
2019/20 | 2ªB | 13º | |
2020/21 | 2ªB | 13º |
Notas
[editar | editar a fonte]- ↑ "Copia arquivada". Arquivado dende o orixinal o 15 de xullo de 2019. Consultado o 15 de xullo de 2019.
- ↑ "Copia arquivada". Arquivado dende o orixinal o 15 de xullo de 2019. Consultado o 15 de xullo de 2019.
- ↑ https://salamancacfuds.es/la-federacion-confirma-oficialmente-el-nombre-del-salamanca-cf-uds-para-el-club/