Sun Microsystems
Sun Microsystems | |
---|---|
![]() | |
![]() | |
Tipo | software house e empresa de capital aberto |
Data de fundación | 24 de febreiro de 1982 |
Data de disolución | 27 de xaneiro de 2010 |
Fundador(es) | Vinod Khosla, Andy Bechtolsheim, Bill Joy e Scott McNealy |
Nomeado en referencia a | Stanford University Network |
Director/a | Jonathan I. Schwartz |
Nº de empregados | 34.600 (2007) ![]() |
Organización matriz | Oracle Corporation |
Organización subsidiaria | Storage Technology Corporation |
Sede | Santa Clara |
País | Estados Unidos de América |
Na rede | |
http://www.sun.com/ | |
[ editar datos en Wikidata ] |
Sun Microsystems foi unha empresa informática localizada en Silicon Valley, principalmente fabricou software. Foi adquirida no ano 2010 por Oracle Corporation, e formou parte das iconas de Silicon Valley, como fabricante de semicondutores e software.
Programas
[editar | editar a fonte]Algúns dos seus programas foron servidores e estacións de traballo para procesadores SPARC, os sistemas operativos SunOS e Solaris, o sistema de ficheiros NFS, a plataforma de programación Java e conxuntamente con AT&T, a estandarización do Unix System V Release 4. Ademais doutros proxectos quizais menos rendibles coma un novo contorno gráfico, NeWS ou a interface gráfica de usuario OpenLook. Tamén é a creadora de suites ofimáticas coma o Star Office e o Open Office.org.
Linguaxe de programación Java
[editar | editar a fonte]A linguaxe de programación Java é unha plataforma virtual desenvolvida por Sun, de tal maneira que os programas creados nela poden executarse sen cambios en diferentes tipos de arquitecturas e dispositivos computacionais.
A plataforma Java consta das seguintes partes:
- A propia linguaxe de programación
- A máquina virtual de Java ou JRE, que permite a portabilidade en execución
- A API Java, unha biblioteca estándar para a linguaxe
Sistema Operativo Solaris
[editar | editar a fonte]Solaris é un sistema operativo baseado inicialmente no sistema UNIX BSD da Universidade de Berkeley, do cal un dos fundadores da compañía foi programados nos seus tempos universitarios. Máis adiante incorporou funcionalidades do System V, converténdose practicamente nun sistema operativo totalmente baseado en System V. Quizais sexa un dos UNIX comerciais máis usados, principalmente no contorno de Internet.
Desde a versión 10, este sistema operativo é de balde, cunha licenza CDDL aprobada pola OSI e pódese descargar desde a web de Sun.
Star Office
[editar | editar a fonte]StarOffice é a suite ofimática de Sun Microsystems, baseada no desenvolvemento Open Source do OpenOffice.org (que patrocinou a propia Sun). Está composta por un procesador de textos (Writer), folla de cálculo (Calc), programa de manexo de base de datos (Base), de presentacións (Impress), e de gráficos (Draw).
Posúe algunhas características adicionais en comparanza co Open Office, ademais do soporte técnico.
Open Office.org
[editar | editar a fonte]OpenOffice.org (non OpenOffice, debido a unha disputa de marcas), é un proxecto baseado no código aberto para crear unha suite ofimática.
É multiplataforma, existe entre outros para Microsoft Windows, GNU/Linux, Solaris e Mac OS X.
Deriva á súa vez dunha versión comercial, StarOffice de Sun Microsystems aínda existente. As máis recentes versións de StarOffice están baseadas no código base de OpenOffice.org; de forma similar á relación existente entre Netscape Navigator e Mozilla.
Véxase tamén
[editar | editar a fonte]![]() |
Commons ten máis contidos multimedia sobre: Sun Microsystems |
Ligazóns externas
[editar | editar a fonte]- Páxina de Sun (en inglés)
- OpenSolaris - Comunidade de usuarios de Solaris. (en inglés)