Táctica
Unha táctica é unha acción teórica ou serie curta de accións dirixidas a acadar un obxectivo a curto prazo. Esta acción pódese levar a cabo en forma dunha ou varias tarefas específicas. O termo utilízase a miúdo en contextos individuais ou sociais, de organizacións de todo tipo, como empresariais, de protesta, militares, de espionaxe e de aplicación da lei; tamén en xadrez, deportes ou outras actividades competitivas en xeral.[1]
Etimoloxía[editar | editar a fonte]
A palabra táctica deriva do adxectivo grego antigo τακτικός, que significa relativo á disposición ou habilidoso na disposición. O nome grego antigo relacionado é τάγμα (tagma), que significa orde.[2] Ambas palabras pódense remontar ao verbo "τάσσω" (tasso; tassein), que significa "aliñar", "parar", "seleccionar" ou "organizar".[3] A palabra táctica (pór en orde as cousas para cumprir un obxectivo) vén do grego τακτικός (taktikos), composta coa raíz do verbo τάσσειν (tassein = ordenar) e o sufixo -tico (relativo a), que deu palabras como erótica, matemática ou práctica. O verbo τάσσειν (tassein) asóciase coa raíz indoeuropea tag-2 (pór en orde).[4]
Diferenza coa estratexia[editar | editar a fonte]
Unha estratexia é un plan con pautas para acadar un obxectivo xeral, mentres que unha táctica é un conxunto de accións específicas dirixidas a seguir esas pautas.[5]
Exemplo[editar | editar a fonte]
A táctica na planificación lingüística en Galiza busca promover o uso do galego mediante accións específicas como programas educativos ou campañas de sensibilización. Mentres que a estratexia responde a un obxectivo maior, preservar a lingua galega como ben patrimonial e cultural, e establece os obxectivos a longo prazo para a normalización lingüística, a táctica refírese ás accións concretas para acadalos. Por exemplo a posta en marcha do Plan Xeral de Normalización da Lingua Galega sería unha desas tácticas. Se en cambio consideramos o Plan Xeral como unha estratexia en si, tería accións tácticas concretas como contratacións, campañas para fomentar o uso do galego etc.[6]
Uso militar[editar | editar a fonte]
No uso militar, a táctica militar é un procedemento utilizado por unha unidade militar non maior a unha división, que serve para levar a cabo unha misión específica e acadar un obxectivo determinado, ou para asegurar o avance cara a un obxectivo concreto.[Cómpre referencia] Os termos "táctica militar" e "estratexia militar" adoitan confundirse: táctica refírese aos medios específicos utilizados para acadar un obxectivo, mentres que estratexia é o plan xeral de campaña, que pode incluír patróns complexos de operacións, actividades e procesos de toma de decisións que guían a execución táctica.[7]
Notas[editar | editar a fonte]
- ↑ Wragg, David. A Dictionary of Aviation. p. 259. ISBN 9780850451634.
- ↑ "definición de τάγμα". logeion.uchicago.edu; ΛΟΓΕΙΟΝ; dicionario grego antigo/inglés. Consultado o 2024-06-25.
- ↑ "tactic". www.etymonline.com. Consultado o 2024-06-25.
- ↑ "TÁCTICA". Etimologías de Chile - Diccionario que explica el origen de las palabras (en castelán). Consultado o 2024-06-25.
- ↑ "The difference between strategy and tactics". web-strategist (en inglés).
- ↑ Galega, Consello da Cultura. "Asistencia técnica para a execución do Plan Xeral de Normalización da Lingua Galega". CONSELLO DA CULTURA GALEGA (en inglés). Consultado o 2024-06-25.
- ↑ Dictionary of Military Terms Arquivado 11 de febreiro de 2005 en Wayback Machine. Copy on the Joint Chiefs of Staff site Arquivado 03 de abril de 2018 en Wayback Machine.
