The Last Shadow Puppets
The Last Shadow Puppets | |
---|---|
![]() | |
Orixe | ![]() |
Período | 2007 - presente |
Xénero(s) | baroque pop |
Selo(s) discográfico(s) | Domino |
Membros | Alex Turner Miles Kane James Ford Zach Dawes |
Artistas relacionados | Arctic Monkeys, Mini Mansions, Simian, Simian Mobile Disco, Owen Pallett, Guards |
Na rede | |
thelastshadowpuppets.com | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
The Last Shadow Puppets é un supergrupo inglés formado por Alex Turner (Arctic Monkeys), Miles Kane (The Rascals), James Ford (Simian, Simian Mobile Disco), e Zach Dawes (Mini Mansions). Nos directos tamén teñen tocado con eles Loren Humphrey (Guards) e Tyler Parkford (Mini Mansions). A banda publicou o seu álbum de estrea, The Age of the Understatement en 2008. Tras un longo hiato a banda regresou e publicou o seu segundo álbum, Everything You've Come to Expect, no ano 2016.
Historia
[editar | editar a fonte]Formación
[editar | editar a fonte]En agosto de 2007 a revista NME magazine informou sobre que o vocalista principal de Arctic Monkeys, Alex Turner, e o vocalista principal de The Rascals, Miles Kane, gravarían un álbum co membro de Simian Mobile Disco e antigo batería de Simian James Ford como produtor e batería.[1] Turner e Kane fixéranse amigos cando a anterior banda do segundo, Little Flames, tocara como abreconcertos para Arctic Monkeys na súa xira británica de 2005 UK. Little Flames tamén apoiou a Arctic Monkeys na xira de abril de 2007, cando Turner e Kane compuxeron cancións xuntos para un proxecto colaborativo. A súa colaboración ampliouse cara ao material de Arctic Monkeys, con Kane tocando a guitarra en "505", o último tema do seu segundo álbum, Favourite Worst Nightmare, e nas caras b de "Fluorescent Adolescent", "The Bakery" e "Plastic Tramp". Kane tamén foi invitado a tocar "505" e "Plastic Tramp" en varios concertos de Arctic Monkeys en 2007.
A primeira gravación das cancións que finalmente formarían o seu álbum de estrea tivo lugar en Francia en agosto de 2007, engadindo material adicional entre agosto e decembro dese ano. En decembro Owen Pallett foi o encargado de arranxar as cordas, os ventos e a percusión para o disco coa London Metropolitan Orchestra. Durante a gravación do álbum Turner e Kane contrataron a dous documentalistas, Luke Seomore e Joseph Bull, para capturar a historia do proxecto.[2]
The Age of the Understatement
[editar | editar a fonte]O 20 de febreiro de 2008 Miles Kane e Alex Turner revelaron que serían coñecidos como The Last Shadow Puppets e que o seu álbum se titularía The Age of the Understatement e sería publicado o 21 de abril dese mesmo ano. O disco chegou directamente ao número 1 da lista de álbums británica. O seu primeiro sinxelo, "The Age of the Understatement", publicouse o 14 de abril, co novo tema "Two Hearts in Two Weeks" e versións das cancións de Billy Fury "Wondrous Place" e David Bowie "In the Heat of the Morning" como caras b.[3] O dúo dixo que se inspirou en Scott Walker e na primeira etapa de Bowie. Ademais tamén hai influencias dos Beatles e do rock progresivo de finais dos 60 e principios dos 70.
O segundo sinxelo, "Standing Next to Me", publicouse o día 7 de xullo de 2008.[4] Houbo tamén un terceiro sinxelo, "My Mistakes Were Made for You", aparecido en outubro de 2008.[5]
O álbum foi nomeado ao Mercury Music Prize de 2008[6] pero perdeu ante o traballo de Elbow The Seldom Seen Kid.
![](http://178.128.105.246/cars-http-upload.wikimedia.org/wikipedia/commons/thumb/d/de/The_Last_Shadow_Puppets_at_Sound_Fix.jpg/250px-The_Last_Shadow_Puppets_at_Sound_Fix.jpg)
Everything You've Come to Expect
[editar | editar a fonte]Nunha entrevista en marzo de 2010 en Absolute Radio, Alex Turner dixo que non tiña plans para material novo. Porén, Kane dixo no mes de outubro dese ano que volverían a xuntarse despois de que rematase co seu proxecto en solitario.[7] En marzo de 2011 Turner confirmou o seu interese en gravar un segundo álbum.[8]
En xaneiro de 2012 Miles Kane confirmou que que se volvería a reunir con Alex Turner para gravar novamente como The Last Shadow Puppets, dicindo que el e Turner gravarían a continuación de The Age Of The Understatement "cando chegue o momento".[9]
O 19 de outubro de 2015 Owen Pallett, que contribuíra cos arranxos de corda en The Age of the Understatement, confirmou que traballaría no segundo álbum da banda a través de Twitter.[10]
Nunha entrevista na páxina chilena Rock & Pop o 17 de novembro de 2015 o produtor James Ford confirmou que o traballo estaba completado e o segundo álbum sería publicado nalgún momento durante a primavera de 2016. Cando foi preguntado sobre o seu recente traballo Ford dixo, "Este ano só fixen un disco de Last Shadow Puppets, que é o rapaz de Arctic Monkeys e Miles. Así que fixemos o seu seguinte álbum. Esa foi a última cousa que fixen".[11]
O 3 de decembro de 2015 a banda editou nos seus perfiles oficiais de Facebook e YouTube un adianto do álbum,[12] confirmando tamén que este sería lanzado nalgún momento da primavera seguinte. Xente como a ex-moza de Turner, Taylor Bagley, e Zach Dawes de Mini Mansions fixeron pequenos cameos no vídeo. Un segundo trailer de adianto apareceu o 28 de decembro. O vídeo amosaba a Kane caracterizado como o loitador Ric Flair xunto con vídeos do estudio e varias tomas cinematográficas.[13]
O 10 de xaneiro de 2016 a banda publicou o seu primeiro sinxelo dende 2008.[14] A canción, "Bad Habits", estivo acompañada dun vídeo musical filmado co mesmo estilo que os dous trailers de adianto.[15] O 21 de xaneiro o grupo anunciou que o seu segundo álbum tiña como título Everything You've Come to Expect, e que contaría co regreso dos tres anteriores membros da banda, ademais da adición do baixista Zach Dawes. O lanzamento do traballo estaba programado para o 1 de abril.
On 10 de marzo a banda publicou a canción título de Everything You've Come to Expect como terceiro sinxelo. Tamén se publicou un vídeo musical para acompañar ao tema, do cal hai 9 variantes. No vídeo aparecen Turner e Kane enterrados ata o pescozo nunha praia mentres unha muller baila ao redor deles.
O 16 de marzo publicouse o tema "Aviation" como terceiro sinxelo. A canción tivo un vídeo cun estilo semellante ao de "Everything You've Come to Expect" onde Turner e Kane facían un pozo na area da mesma praia onde foran enterrados no anterior clip.
Finalmente o día 29 de marzo lanzouse o cuarto sinxelo, "Miracle Aligner",[16] o derradeiro antes da aparición do álbum.
Discografía
[editar | editar a fonte]Álbums
[editar | editar a fonte]Álbum | Ano | Selo |
---|---|---|
The Age of the Understatement | 2008 | Domino Recording Company |
Everything You've Come to Expect | 2016 | Domino Recording Company |
Notas
[editar | editar a fonte]- ↑ "Arctic Monkeys frontman to record surprise album this month". NME (en inglés). Consultado o 2020-07-14.
- ↑ Kilkelly, Daniel (2008-01-26). "Monkeys star making film about new album". Digital Spy (en inglés). Consultado o 2020-07-14.
- ↑ "Alex Turner and Miles Kane cover David Bowie". NME (en inglés). 2008-03-14. Consultado o 2020-07-14.
- ↑ "Standing Next To Me". 2008-07-07. Consultado o 2020-07-14.
- ↑ ""My Mistakes Were Made for You"". www.amazon.com. Consultado o 2020-07-14.
- ↑ "» Nationwide Mercury Prize nominations announced Bearded Magazine: The home of independent music". web.archive.org. 2008-08-03. Archived from the original on 15 de febreiro de 2012. Consultado o 2020-07-14.
- ↑ "Miles Kane: 'Last Shadow Puppets to return after my solo album'". NME (en inglés). 2010-10-18. Consultado o 2020-07-14.
- ↑ "Arctic Monkeys frontman 'would like to write James Bond theme'". web.archive.org. 2011-07-27. Archived from the original on 27 de xullo de 2011. Consultado o 2020-07-14.
- ↑ "The week's 20 biggest news stories (8 January)". NME (en inglés). 2012-01-06. Consultado o 2020-07-14.
- ↑ "Owen Pallett Reveals Work On Second Last Shadow Puppets LP". Stereogum. 2015-10-11. Consultado o 2020-07-14.
- ↑ Subscribe. "The Last Shadow Puppets have “finished” their second album". diymag.com (en inglés). Consultado o 2020-07-14.
- ↑ The Last Shadow Puppets (3 de decembro de 2015). TLSP2 (YouTube).
- ↑ The Last Shadow Puppets (28 de decembro de 2015). TLSP2 (YouTube).
- ↑ "Alex Turner's The Last Shadow Puppets return with 'Bad Habits' - watch". NME (en inglés). 2016-01-10. Consultado o 2020-07-14.
- ↑ The Last Shadow Puppets (10 de xaneiro de 2016). The Last Shadow Puppets - Bad Habits (Official Video) (YouTube).
- ↑ "Post by Zane Lowe on Apple Music.". Apple Music (en inglés). Arquivado dende o orixinal o 15 de xullo de 2020. Consultado o 2020-07-14.