Trade-off
![]() | Este artigo ou sección precisa revisión por alguén que saiba deste tema. Se ten eses coñecementos mellore este artigo. Vexa na páxina de discusión que aspectos son os que precisan revisión. (Desde xaneiro de 2011.) |
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
![](http://178.128.105.246/cars-http-upload.wikimedia.org/wikipedia/commons/thumb/d/d5/Apollo_11_Lunar_Module_Eagle_in_landing_configuration_in_lunar_orbit_from_the_Command_and_Service_Module_Columbia.jpg/220px-Apollo_11_Lunar_Module_Eagle_in_landing_configuration_in_lunar_orbit_from_the_Command_and_Service_Module_Columbia.jpg)
O trade-off (ou tradeoff) tamén chamado compromiso ou incompatibilidade de obxectivos[1] é un concepto económico que se refire aos dilemas existentes á hora de elixir entre situacións aparentemente antagonistas. Utilízase para ilustrar como a solución para un problema concreto adoita acarrexar, inevitabelmente, un empeoramento doutro. Tamén se refire, en xeral, á idea de que a consecución dun obxectivo implica a renuncia doutro.
Concepto
[editar | editar a fonte]Cando nos topamos ante un problema, é habitual que as posíbeis solucións non sexan completamente satisfactorias. Rara é a vez que a solución elixida non acarrexa consecuencias non desexadas, aínda que non por iso imprevistas. En moitas ocasións, pola contra a mellora do aspecto analisado implica unha afección no sentido inverso noutros.
Diferénciase lixeiramente outra acepción, a de que unha elección comporta, necesariamente, a renuncia a outras cousas. Este concepto de trade-off deriva, principalmente, da escaseza: nun mundo finito, con recursos e capacidades finitas, obtelo todo é imposíbel.
Non ten porqué ser, con todo, un problema definitivo ou irresoluble. En ocasións as renuncias poden ser temporais e ser solucionadas no futuro ou, en casos, a renuncia nun momento pode provocar un beneficio no futuro no mesmo aspecto.
Exemplo
[editar | editar a fonte]Un exemplo habitual de trade-off dáse ao falarmos do binomio inflación/desemprego. Cando as políticas económicas públicas se dirixen principalmente á consecución de maiores niveis de emprego asúmese que, ao medio prazo, provocará un certo requentamento da economía e un maior grao de inflación.
Pódese aplicar, por exemplo, ás decisións de empresas: ao final de ano, unha empresa debe elixir se dedicar os beneficios a reservas ou a distribuír entre os accionistas. É evidente que unha elección afecta á outra. Máis pode resultar que un aumento das reservas nun momento dado mellore o beneficio a longo prazo, co cal o trade-off tivo, posteriormente, aspectos positivos.
Moito máis claro, e próximo, é o seguinte exemplo: contando cunha cantidade limitada de diñeiro no peto, o habitual é que non poidamos mercar todo o que desexamos, e nos teñamos que obrigar a mercar unha cousa, ou outra.
Outros usos
[editar | editar a fonte]Ademais do seu uso na economía, o concepto de trade-off é fundamental en moitas outras disciplinas para entender as decisións e os balances que se deben facer fronte a recursos limitados ou obxectivos en competencia.
Na bioloxía, especialmente na teoría evolutiva, os trade-offs refírense aos compromisos entre trazos ou estratexias que benefician un aspecto da supervivencia ou reprodución a costa doutro. Por exemplo, na teoría da pleiotropía antagónica, algúns xenes poden ter efectos beneficiosos na xuventude pero efectos prexudiciais na vellez, reflectindo un trade-off entre fertilidade temperá e lonxevidade.
Na medicina, os trade-offs son importantes ao considerar os efectos secundarios dos tratamentos fronte aos seus beneficios. Un medicamento pode mellorar significativamente unha condición médica mentres presenta o risco de efectos adversos noutras áreas, obrigando a médicos e pacientes a ponderar os pros e contras no seu uso.
Na psicoloxía, os trade-offs poden ser estudados en relación coa toma de decisións, onde as persoas teñen que elixir entre varias opcións que presentan diferentes vantaxes e desvantaxes.
Notas
- ↑ "compromiso/ incompatibilidade de obxectivos/ trade-off". aplicacions.usc.es; bUSCatermos. Consultado o 2024-04-03.