Barry Keoghan
Barry Keoghan | |
---|---|
![]() | |
Ruggit |
18 Jerrey Fouyir 1992 (31 bleeaney d'eash) Cnoc an tSamhraidh, Divlyn, Nerin |
Seyraanaght | Nerin |
Çhengey | Baarle |
Keird | aghteyr scannane · aghteyr çhellveeish · aghteyr |
Bleeantyn obbree | 2011–jiu |
Leggad |
Sabrina Carpenter (en) ![]() |
Aundyryn |
slane rolley |
Kianglaghyn fysseree as sheshoil | |
IMDb | nm4422686 |
Models.com | barry-keoghan |
keoghan92 | |
X | BarryKeoghan |
She aghteyr Yernagh eh Barry Keoghan (ruggit er 18 Jerrey Fouyir 1992). Ta enney mie er son e phaartyn er y scaailan, goaill stiagh cloiaghyn ayns scannaneyn seyrey as ard-scannaneyn. Ayns 2020, v'eh rang-oardit ec earroo 27 er rolley ny h-aghteyryn fillym Yernagh share liorish yn Irish Times.[1]
Ghow ny filmyn leah echey stiagh filmyn lheid as '71 (2014), Mammal (2016), as Trespass Against Us (2016). Hooar eh moylley ayns 2017 son e paartyn ayns Dunkirk (2017) liorish Christopher Nolan, as The Killing of a Sacred Deer (2017) liorish Yorgos Lanthimos, as hooar eh enmyssaght da'n Independent Spirit Award son y fillym jerrinagh. Chammah's shen, chloie eh ayns American Animals (2018), Calm with Horses (2019), raad hooar eh enmyssaght son Aundyr BAFTA son yn Aghteyr Share ayns Paart Co-hassooagh, as The Green Knight (2021). Ayns 2021, chloie eh Druig'sy fillym Eternals. Ayns 2022 chloie eh ayns The Banshees of Inisherin liorish Martin McDonagh, raad chossyn eh Aundyr BAFTA son yn Aghteyr Share ayns Paart Co-hassooagh as hooar eh enmyssaghtyn son Golden Globe as Aundyr Academy son yn Aghteyr Co-hassooagh Share.
Ta enney mie er chammah son e phaartyn çhellveeish, goaill stiagh y drama Love/Hate (2013) liorish RTÉ as y vyn-straih Chernobyl (2019) liorish HBO. She ambassadeyr da Dior eh Keoghan[2] as Barretstown.[3]
Imraaghyn
[reagh | edit source]- ↑ "The 50 greatest Irish film actors of all time – in order" (ayns Baarle). Feddynit magh er 9 Mean Souree 2021.
- ↑ "Barry Keoghan goes from Love/Hate cat killer to toast of the Dior catwalk in Paris". Irish Independent. 24 Mean Souree 2017. Feddynit magh er 1 Jerrey Souree 2017.
- ↑ Downes, Philip (2022-03-12). "Hollywood star Barry Keoghan announced as new Barretstown charity ambassador". extra.ie (ayns Baarle). Feddynit magh er 2022-04-19.
{{cite web}}
: CS1 maint: çhengey gyn enney (link)