Fo-eaddagh ben
Appearance
![](http://178.128.105.246/cars-http-upload.wikimedia.org/wikipedia/commons/thumb/8/8f/Pigalle_shop_1.jpg/220px-Pigalle_shop_1.jpg)
Ta fo-eaddagh ben çheet er ronney eaddeeyn ben ta goaill stiagh fo-gharmadyn (coodee cheeagh son y chooid smoo), eaddeeyn oie, as gooynyn eddrymey. Ta fo-eaddagh ben jeant ass eaddagh eddrym, sheeyney, meein, glen, ny jesheenagh, lheid as sheeidey, stroll, Lycra, charmeuse, shiffon, lieen, ny laatçhey. Foddee ny h-eaddeeyn ve jeant ass frauaigyn najooragh lheid as sheeidey ny cadee; ny ass frauaigyn taahit lheid as polyester ny neelane.
Typ-oaylleeaght
[reagh | edit source]![](http://178.128.105.246/cars-http-upload.wikimedia.org/wikipedia/commons/thumb/7/7b/Lingerie.jpg/220px-Lingerie.jpg)
![](http://178.128.105.246/cars-http-upload.wikimedia.org/wikipedia/commons/thumb/f/f3/A_%288324927127%29.jpg/220px-A_%288324927127%29.jpg)
- Bascagh - bouin ny cooat çhionn ta towshit da'n chorp.
- Bloomeryn - fo-eaddagh poagagh ta sheeyney dys, ny beggan ny s'inshley na, yn ghlioon. Va bloomeryn goll er ceau harrish ram jeihaghtyn car y chied lieh jeh'n 20oo eash, agh cha nel ad ceaut dy mennick jiu.
- Bouin - fo-eaddeeyn ta coodaghey yn corp voish y wannal dys y wouin. Ta bouinyn giarrit dy giare ec yn oaie as dy h-ard ec y chooyl, as t'ad kianglt dy mennick liorish laatçhyn ny dooanyn. Foddee bouinyn ve aaniartit liorish staillin ny craue son ny keeaghyn y chummal seose.
- Bustier - garmad corp-howshit ta ceaut son ny keeaghyn y hroggal seose as y wouin y chraishtey.
- Cammee - garmad gyn vuinneel ta coodaghey yn chooid ard jeh'n chorp. Ta cammeeyn jeant ass stoo eddrym as t'ad goaill stiagh "yeeallyn spaghetti".
- Cammee-hroosyn - fo-gharmad ta gollrish cullee snaue un-pheeshagh er shilley er-yn-oyr nagh vel muinneelyn echey as, keayrtyn, nagh vel yeeallyn echey.
- Çhionneyder bouin - garmad ta filley mygeayrt y wouin gollrish corsaid agh nagh vel coodaghey ny keeaghyn.
- Coodagh keeagh - garmad çhionn-towshit ta ceaut son ny keeaghyn y hroggal as y chummal seose.
- Corsaid - bouin ta ceaut son y challin dy chummey as dy chraishtey. Ta'n eiyrtys shen feddynit liorish craueyn, foddee ad ve jeant ass plastagh ny staillin.
- Corsaideen - garmad ta cur ry-cheilley yn coodagh keeagh as y chryss. Ta'n corsaideen coontit myr sorçh dy vun-gharmad as ta'n corsaideen noa-emshyragh goll er enney ny s'menkey myr fo-ghooyn craishtey.
- Cryss - sorçh dy vun-gharmad. Ayns ny shen laaghyn, va'n chryss sheeyney voish y wouin dys y cleeasid, agh ta modyn noa-emshyragh feer chosoylagh rish breeçhyn cuttagh roortagh.
- Cryss-ghlioon - cryss ta ymmydit son oashyryn y chummal seose.
- Fo-gharmad - garmad ta ceaut fo eaddeeyn elley.
- Fo-hroosyn - fockle keintagh da fo-eaddagh ta coodaghey ny commyssyn as, keayrtyn, y thoyn. T'ad ry-gheddyn ayns ram sorçhyn, cummaghyn, eaddeeyn, daaghyn, mooadyn as modyn.
- Gooyn babban - gooyn oie giare, ny gooyn eddrym, ta kiarit myr eaddeeyn oie da mraane. She mod ny s'girrey t'echey, as dy mennick t'eh ceaut marish fo-hroosyn. Ta gooynyn babban beggan mooar er towshan marish gruaie impiroil as yeeallyn keyley.
- Gooyn eddrym - gooyn coamree. Ny s'menkey, t'ee sheeyney dys y laare, agh foddee ad sheeyney dys ny glioonyn. Neughollrish gooynyn oie, ta gooynyn eddrymey jeant ass eaddeeyn glenney.
- Gooyn oie - garmad oie croghee ta mooar er towshan, foddee ad sheeyney dys ny lheshyn (gooynyn babban) ny dys y laare (peignoir).
- Lheiney oie - lheiney ta ceaut tra ta'n ceaueyder cadley. T'eh ny s'liurey as ny smoo er towshan na'n T-lheiney sampleyragh as dy mennick t'eh jeant ass eaddagh ny s'buiggey.
- Myn-choodagh keeagh - baare ta cosoylagh rish coodagh keeagh er shilley agh gyn fo-snaieyn yiarn as gyn ablid troggal ny cummal.[1]
- Oanrey - fo-rumbyl. Va oanraghyn feer chadjin eddyr y 16oo as y 20oo eash. Jiu, t'ad ceaut son laneid y chur rish rumbyllyn 'sy fo-chultooryn Gothagh as Lolita.
- Oashyr kirpey - oashyraght ta ceaut er y challin, ny foddee ad ve ceaut er ny slhieeasidyn as er y volg.
- Oashyraght - garmadyn lastagh corp-howshit ta coodaghey ny cassyn, lheid as oashyryn ny mynoashyryn laatçhey.
- Saineen - sorçh dy fo-hroosyn t'er enney liorish peesh veg d'eaddagh ta goll eddyr ny curpyn as ta kianglt rish boandey ta goll mygeayrt ny lheshyn. Foddee ad ve ceaut myr eaddagh snaue ny myr fo-eaddagh.
- Smock - fo-gharmad un-pheesh ta gollrish gooyn neu-whuinneelagh. T'eh cosoylagh rish y ghooyn babban, agh t'eh toshit my s'girrey da ny lheshyn.
Fockleyreen
[reagh | edit source]Fockleyreen
Imraaghyn
[reagh | edit source]- ↑ "Lingerie Terminology and Definitions - With Pictures". Eva's Intimates (ayns English). Feddynit magh er 2022-03-02.
Claare lioaragh
[reagh | edit source]- Carter, Alison J. (1992). Underwear: the fashion history. Batsford. ISBN 0-7134-6222-1
- Cox, Caroline (2000). Lingerie: a lexicon of style. Scriptum Editions. ISBN 1-902686-08-X
Kianglaghyn magh
[reagh | edit source]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
Ta tooilley mean ayns Wikimedia Commons bentyn rish: Fo-eaddagh ben.
Fo-eaddagh ben |
|||||||
---|---|---|---|---|---|---|---|
Corp s'yrjey |
|
![]() |
|||||
Corp s'inshley | Bikini · Breeçheenyn cuttagh · Crank-chuttee · Cryss tarragh · Cuttee stiuree · Fo-hroosyn ben · Fo-hroosyn Frangagh · Saineen (Scryssan) | ||||||
Corp slane | Cammee-hroosyn · Colbane · Corsage · Corsaid · Corsaideen · Fo-ghooyn · Lheiney oie | ||||||
Oashyraght | Cryss-ghlioon · Oashyryn · Oashyryn bouinagh · Oashyryn gliooney | ||||||
Shenndeeagh | Bouin heyr · Clean · Cooylym · Crinoline · Lhoobskyrt · Oanrey · Yếm |