Časowe pasma w Europje
![](http://178.128.105.246/cars-http-upload.wikimedia.org/wikipedia/commons/thumb/7/71/Time_zones_of_Europe.svg/370px-Time_zones_of_Europe.svg.png)
██ zapadoeuropski čas/GMT (≈UTC)
██ zapadoeuropski čas (UTC+0)
██ srjedźoeuropski čas (UTC+1)
██ wuchodoeuropski čas (UTC+2)
██ Čas w Kaliningradźe (UTC+2)
██ Moskowski čas (UTC+3)
Europa ma štyri časowe pasma: zapadoeuropski čas (WET/GMT), srjedźoeuropski čas (CET), wuchodoeuropski čas (EET) a Moskowski čas (MSK).
Zapadoeuropski čas (WET, UTC+0, GMT) je časowe pasmo Färöskich kupow, sewjerowuchodneje Grönlandskeje, Irskeje, Islandskeje za čas cyłeho lěta, Kanariskich kupow, Madeiry, kupy Man, Portugalskeje a Zjednoćeneho kralestwa. Jeho jendźelske mjeno je Western European Time (WET).
Srjedźoeuropski čas (CET, UTC+1) je mjeno časoweho pasma, kotrež ma časowu diferencu jedneje hodźiny wot koordinowaneho swětoweho časa (UTC). Wužiwa so wot wšěch krajow w zapadnej kontinentalnej Europje wothladajo wot Portugalskeje, wužiwaceje zapadoeuropski čas. Jendźelske mjeno je Central European Time (CET).
Wuchodoeuropski čas (EET, UTC+2), jendźelsce Eastern European Time (EET), je časowe pasmo wuchodo- a sewjeroeuropskich krajow mjezy srjedźoeuropskim časowym pasmom a Ruskej (Běłoruska, Bołharska, Cypriska, Estiska, Finska, Grjekska, Letiska, Litawska, Moldawska, Rumunska, Kaliningradska prowinca, Ukraina).
Moskowski čas (MSK, UTC+3) (Моско́вское вре́мя) je časowe pasmo europskeho dźěla Ruskeje.
![](http://178.128.105.246/cars-http-upload.wikimedia.org/wikipedia/commons/thumb/2/25/Map_of_Russia_-_Moscow_time_zone.svg/180px-Map_of_Russia_-_Moscow_time_zone.svg.png)
Wón wužiwa so nimo toho w cyłym kraju za jězdne abo lětanske plany ćahow, lětadłow, łódźow. Wono tež wustupuje w telegramach, mejlkach atd. Čas je často zdźělene wšudźom w kraju za čas radijowych wusyłanjow.
"Moskowski normalny čas (MSK)" wotpowěduje UTC+3 w zymje, mjez poslednim tydźenjom oktobra a poslednim tydźenjom měrca, lěćni čas wotpowěduje UTC+4.