Wiki (wjes)
| ||
gmejna: | Nowe Wiki | |
wysokosć: | 114 metrow n.m.hł. | |
51.62411814.160979114
| ||
póstowe čisło: | 03103 | |
předwólba: | 035751 | |
![]() Wjesna cyrkej | ||
wikidata: Wiki (Q30092987)
|
Wiki[1] (serbsce tež Nowe Wiki-Podpołnoc, němsce Neupetershain-Nord, do 1925 Petershain) su gmejnski dźěl Nowych Wikow w braniborskim wokrjesu Hornje Błóta-Łužica. Susodne wjeski su Maliń na sewjeru, Domašojce na sewjerowuchodźe, Nowe Wiki na juhu a Rašyn na zapadźe. Wuchodnje Wikow nadeńdźe so něhdyše ryćerkubło Gižkojce při kromje brunicoweje jamy Wjelcej-juh.
Wjes naspomni so prěni raz jako wosadna wjeska w lěće 1346 a nasta najskerje wokoło 1200 za čas srjedźowěkowskeje němskeje kolonizacije Łužicy. Hač do 19. lětstotka mějachu Wiki z wjetšeho dźěla serbskorěčne wobydlerstwo. Serbske kemše wotstronichu so w lěće 1842. Přez industrializaciju so ludnosć w druhej połojcy 19. lětstotka spěšnje přeněmči. Posledni serbskorěčni wobydlerjo zemrěchu pak hakle po Druhej swětowej wójnje. Dźensniše srjedźišćo gmejny Nowe Wiki wuwiwaše so hakle po wotewrjenju železniskeje čary ze Złeho Komorowa do Choćebuza w lěće 1870 wokoło noweho dwórnišća.
Z Wikow pochadźeštaj delnjoserbski farar a rěčespytnik Jan Chojnan (1616–64) a serbski ludowědnik a archiwar Lotar Balko (1928–2008).
Wobchad
[wobdźěłać | žórłowy tekst wobdźěłać]Přez Wiki wjedźe zwjazkowa dróha 169 ze Złeho Komorowa do Choćebuza.
Žórła
[wobdźěłać | žórłowy tekst wobdźěłać]Wotkaz
[wobdźěłać | žórłowy tekst wobdźěłać]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)