Wladimir (mjeno)
Erscheinungsbild
Wladimir (kyrilisce Владимир, běłorusce Уладзімір/Uladzimir, ukrainsce Володимир/Wolodymyr; serbsce tež Włodźiměr) je słowjanske muske předmjeno. Přimjena su na přikład Wolodja, Wowa abo Wowočka. Žónska forma je Wladimira.
Warianty
[wobdźěłać | žórłowy tekst wobdźěłać]- rusce, bołharsce: Wladimir – Владимир, Володя, Вова
- ukrainsce: Wolodymyr – Володимир
- běłorusce: Uladzimer, Uladzimir – Уладзімер
- pólsce: Włodzimierz
- čěsce, słowaksce: Vladimír
- južnoserbsce, chorwatsce: Vladimir – Владимир
- němsce: Waldemar
Pochad
[wobdźěłać | žórłowy tekst wobdźěłać]Mjeno Wladimir jewi so prěni raz w Bołharskej jako mjeno knježićela Wladimira Rasate (* wokoło 850, † po 893). Prěni dźěl mjena pochadźa wot starosłowjanskeho słowa владь (wlad, „móc“ abo „knjejstwo“), druhi dźěl je zwjazany z gotiskim słowom mērs („wulki“), tuž woznamjenja mjeno „wulki knježićel“. Mjena na kóncowce -měr abo -mir so w słowjanskich rěčach často jewja, kaž na přikład Radoměr, Bohuměr abo Luboměr. W cyrkwinosłowjanskej rěči je so mjeno „Wladimir“ husto za město Jeruzalem wužiwało.
Nošerjo mjena
[wobdźěłać | žórłowy tekst wobdźěłać]- Wladimir I. (960–1015) – kijewski knježićel a swjaty
- Wladimir Rasate (850–893) – bołharski kral
- Wladimir Čebotarjow (1921–2010) – ruski režiser a awtor wjertnych knihow
- Wladimir Kaminer (* 1967) – němski spisowaćel ruskeho pochada
- Wladimir Kličko (* 1976) – ukrainski pjasćowar
- Wladimir Majakowskij (1893–1930) – ruski basnik
- Wladimir Nabokow (1899–1977) – rusko-ameriski spisowaćel a literarny wědomostnik
- Wladimir Putin (* 1952) – ruski prezident
- Wladimir Iljič Uljanow (Lenin, 1870–1924) – ruski rewolucionar a załožer Sowjetskeho zwjazka
- Wladimir Wysockij (1938–1980) – ruski spěwar