Մեհմեթ Շոլ
Մեհմեթ Շոլ գերմ.՝ Mehmet Scholl | |||
---|---|---|---|
Քաղաքացիությունը | Գերմանիա | ||
Մականուն | Scholli | ||
Ծննդյան ամսաթիվ | հոկտեմբերի 16, 1970[1][2][3] (53 տարեկան) | ||
Ծննդավայր | Կարլսրուե, Բադեն-Վյուրթեմբերգ, Գերմանիա[4] | ||
Հասակ | 177 սանտիմետր | ||
Քաշ | 70 կիլոգրամ | ||
Դիրք | կիսապաշտպան | ||
| |||
| |||
| |||
| |||
Պարգևներ
| |||
|
Մեհմեթ Շոլ (գերմ.՝ Mehmet Scholl), ծննդյան ժամանակ Մեհմեթ Յուքսել (թուրքերեն՝ Mehmet Yüksel; հոկտեմբերի 16, 1970[1][2][3], Կարլսրուե, Բադեն-Վյուրթեմբերգ, Գերմանիա[4]), գերմանացի ֆուտբոլիստ, կիսապաշտպան, Գերմանիայի ֆուտբոլի ութակի չեմպիոն։ Ավարտել է կարիերան 2006/07 մրցաշրջանի առաջնությունից հետո։ Կարիերայի մեծ մասն անցկացրել է «Բավարիայում», որի կազմում խփել է 87 գոլ։
Կենսագրություն
[խմբագրել | խմբագրել կոդը]Մեհմեթ Շոլը ծնվել է 1970 թվականի հոկտեմբերի 16-ին Կարլսրուե քաղաքում (Բադեն-Վյուրթեմբերգ շրջան, Գերմանիայի Դաշնային Հանրապետություն (ԳՖՀ), այժմ՝ Գերմանիա)։ Հայրը թուրք էր, իսկ մայրը՝ գերմանացի։ Երբ Մեհմեթը դեռ փոքր էր, նրա ծնողները բաժանվեցին։ Շուտով մայրը երկրորդ անգամ ամուսնացավ, այժմ գերմանացու հետ, և ընտանիքը ընդունեց նոր ազգանունը՝ Շոլ։
Կարիերան ավարտելուց հետո մի քանի տարի աշխատել է որպես ֆուտբոլային մեկնաբան Das Erste հեռուստաալիքում, սակայն նրա հետ պայմանագիրը խզվել է, քանի որ Շոլը հրաժարվել է 2017 թվականի Կոնֆեդերացիաների գավաթի ժամանակ քննարկել ռուսական ֆուտբոլում դոպինգի մասին լուրերը[5]։
Ֆուտբոլային կարիերա
[խմբագրել | խմբագրել կոդը]Իր պրոֆեսիոնալ կարիերան սկսել է 1989 թվականին «Կարլսրուե» ֆուտբոլային ակումբում, որի շրջանավարտն էլ հենց նա է (1976-1982 թվականներին խաղացել է «Նորդվեստ» ակումբի ակադեմիայում)։ Պրոֆեսիոնալ դեբյուտը տեղի է ունեցել 1990 թվականի ապրիլին «Քյոլն» թիմի դեմ խաղում։ Ընդհանուր առմամբ «Կարլսրուեի» կազմում մասնակցել է 58 հանդիպման և դարձել 11 գոլի հեղինակ։
Տեղափոխություն Մյունխենի «Բավարիա»
[խմբագրել | խմբագրել կոդը]22-ամյա կիսապաշտպան Մեհմեթ Շոլը տեղափոխվում է Մյունխենի «Բավարիա»։ Նոր ակումբի կազմում առաջին իսկ մրցաշրջանում ֆուտբոլիստը ձևակերպել է 31 օգտակար գործողություն (գոլեր և գոլային փոխանցումներ)։ ԶԼՄ-ներում նրան անվանել են «պատանեկան ֆուտբոլային կուռք»։ «Բավարացիների» կազմում դարձել Է Գերմանիայի ութակի չեմպիոն։ Ընդհանուր առմամբ, 1992-2007 թվականներին «Բավարիայում» նվաճել է 20 տիտղոս։ Այստեղ էլ 2001 թվականին հաղթանակ է գրանցվել Չեմպիոնների լիգայում։
Միջազգային կարիերա
[խմբագրել | խմբագրել կոդը]1995 թվականին Շոլը դարձավ ազգային հավաքականի խաղացող, իսկ հաջորդ տարի Անգլիայում նվաճեց Եվրոպայի առաջնությունը։ Մինչ այդ հանդես է եկել Գերմանիայի մինչև 21 տարեկանների հավաքականի կազմում (5 խաղ և 3 գոլ)։ Չեխիայի դեմ ԵԱ-1996-ի եզրափակիչ դիմակայությունում խաղադաշտում անցկացրել է 69 րոպե, որից հետո փոխարինվել է Օլիվեր Բիրհոֆով, որը հետագայում դարձել է ոսկե գոլի հեղինակ։ Ֆրանսիայում կայացած Աշխարհի 1998 թվականի առաջնությունը կիսապաշտպանը բաց է թողել գլխավոր մարզիչ Բերտի Ֆոգտսի հետ կոնֆլիկտի պատճառով։ Չնայած առաջնությունում լավ ցուցանիշներին՝ Շոլը չի ընդգրկվել մունդիալի հայտացուցակում։ Մասնակցել է 2000 թվականի Եվրոպայի առաջնությանը Բելգիայում և Նիդերլանդներում, որտեղ խփել է Գերմանիայի հավաքականի միակ գոլը Ռումինիայի դեմ խմբային փուլի խաղում։
Վնասվածքի պատճառով բաց թողեց 2002 թվականի աշխարհի առաջնությունը[6]։
Ձեռքբերումներ
[խմբագրել | խմբագրել կոդը]- «Բավարիա»
- Գերմանիայի չեմպիոն (8)՝ 1994, 1997, 1999, 2000, 2001, 2003, 2005, 2006
- Գերմանիայի գավաթակիր (5)՝ 1998, 2000, 2003, 2005, 2006
- Գերմանիայի սուպերգավաթակիր (4)՝ 1997, 1998, 1999, 2000
- ՈՒԵՖԱ-ի գավաթակիր՝ 1996
- ՈՒԵՖԱ Չեմպիոնների լիգայի հաղթող՝ 2001
- Միջմայրցամաքային գավաթի հաղթող՝ 2001
- Գերմանիայի հավաքական
Անձնական կյանք
[խմբագրել | խմբագրել կոդը]Մեհմեթ Շոլը հայտնի նկարիչ Յան-Մայքլ Ռիխտերի զարմիկն է։ Մեհմեթի որդին՝ Լուկաս-Յուլիանը (1996) երկար ժամանակ խաղացել է Մյունխենի «Բավարիայի» երիտասարդական թիմի կազմում, ներկայումս հանդես է գալիս Գերմանիայի չորրորդ դիվիզիոնում՝ «Վոկեր Նորդհաուզենի» կազմում (հյուսիսարևելյան տարածաշրջանային լիգա)։
Չի դավանում որևէ կրոն, բայց հետևում է բուդդայական սկզբունքներին[7]։
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 filmportal.de — 2005.
- ↑ 3,0 3,1 Արգենտինական ֆուտբոլի տվյալների շտեմարան (իսպ.)
- ↑ 4,0 4,1 4,2 Deutsche Nationalbibliothek Record #141168714 // Gemeinsame Normdatei (գերմ.) — 2012—2016.
- ↑ «Шолль объяснил, почему он не стал обсуждать тему допинга в России во время кубка Конфедераций». Արխիվացված օրիգինալից 2018 թ․ հուլիսի 5-ին. Վերցված է 2018 թ․ հուլիսի 5-ին.
- ↑ «Не попавшие в восточный экспресс» (ռուսերեն). Спорт-Экспресс. 2002 թ․ մայիսի 28. Արխիվացված է օրիգինալից 2013 թ․ դեկտեմբերի 2-ին.
- ↑ «Von jetzt an gehe ich kegeln». sueddeutsche.de (գերմաներեն). 2007 թ․ մայիսի 18. Արխիվացված է օրիգինալից 2011 թ․ մարտի 23-ին. Վերցված է 2011 թ․ մարտի 31-ին.
- Հոկտեմբերի 16 ծնունդներ
- 1970 ծնունդներ
- Ապրող անձինք
- Գերմանիայում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- Բավարիա Մյունխենի ֆուտբոլիստներ
- Բունդեսլիգայի ֆուտբոլիստներ
- Գերմանացի ֆուտբոլային մարզիչներ
- Գերմանացի ֆուտբոլիստներ
- Գերմանիայի հավաքականի ֆուտբոլիստներ
- Թուրքական ծագմամբ գերմանացիներ
- Կարլսռուհեի ֆուտբոլիստներ
- Տղամարդկանց ֆուտբոլի կիսապաշտպաններ
- Ֆուտբոլային մարզիչներ այբբենական կարգով
- Ֆուտբոլի Եվրոպայի չեմպիոններ