Քրիստինա Լյովման
Քրիստինա Լյովման | |
---|---|
![]() | |
Ծնվել է | մարտի 19, 1803[1][2][3][…] |
Ծննդավայր | Կոպենհագեն, Դանիա[2][3] |
Վախճանվել է | ապրիլի 10, 1872[1][2][3][…] (69 տարեկան) |
Մահվան վայր | Կոպենհագեն, Դանիա[4] |
Քաղաքացիություն | ![]() |
Մասնագիտություն | նկարչուհի և արվեստագետ |
Ժանր | նատյուրմորտ |
Ուսուցիչ | Յոհան Լյուդվիգ Կամրադտ և Քրիստոֆեր Վիլհելմ Էկերսբերգ |
Աշակերտներ | Էլեոնորա Չերնինգ |
Հայր | Johannes Løvmand?[5] |
Մայր | Sara Christine von Lützow?[5] |
![]() |
Քրիստինա Մարիա Լյովման (դան․՝ Christine Marie Løvmand, մարտի 19, 1803[1][2][3][…], Կոպենհագեն, Դանիա[2][3] - ապրիլի 10, 1872[1][2][3][…], Կոպենհագեն, Դանիա[4]), դանիացի նկարչուհի։ Հայտնի է իր ծաղիկներով նկարներով և նատյուրմորտներով։ Իր ժամանակի այն սակավաթիվ կանանցից է, ով ճանաչվել է որպես նկարչուհի[6]։
Կենսագրություն
[խմբագրել | խմբագրել կոդը]![](http://178.128.105.246/cars-http-upload.wikimedia.org/wikipedia/commons/thumb/f/f9/L%C3%B8vmand_En_buket_blomster_ved_foden_af_et_tr%C3%A6_1832.jpg/160px-L%C3%B8vmand_En_buket_blomster_ved_foden_af_et_tr%C3%A6_1832.jpg)
Մանկության տարիներին Քրիստինա Լյովմանը օգնել է հիվանդ մորը մեծացնելու իր հինգ երեխաներին։ Երբ 1826 թվականին հայրը մահացել է, նա որոշել է շատ աշխատել ընտանիքը պահելու համար։ 1824 թվականից Քրիստինան և նրա քույրը՝ Ֆրեդերիկկան, սկսել են հաճախել նկարչության դասերի նկարիչ Յոհան Լյուդվիգ Կամրադտի մոտ, ով մասնագիտացած է եղել ծաղկային նատյուրմորտների բնագավառում։ 1827 թվականին երկու քույրերի աշխատանքները ներկայացվել են Շառլոտենբորգի գարնանային ցուցահանդեսում։ 1831-1834 թվականներին Քրիստինան եղել է նկարիչ Քրիստոֆեր Վիլհելմ Էկերսբերգի ուսանողների թվում։ Դասերն անցկացվել են կիրակի օրերին, հավանաբար այն պատճառով, որ պրոֆեսորը չի կարողացել նրան հրավիրել իր դասերին արական սեռի ուսանողների հետ[7]։
Քրիստինա Լյովմանը Դանիայի ոսկե դարաշրջանի եզակի կին նկարչուհիներից է։ Գեղանկարչության մեջ նրա սիրելի թեմաներն են ծաղիկներն ու մրգերը։ Պաշտոնապես նա հայտնի է դարձել 1827 թվականին, երբ թագավորական հավաքածուն առաջին անգամ ձեռք է բերել նրա նկարներից մեկը։ 1842 թվականին Լյովմանը Քրիստիան VIII թագավորի կողմից ստացել է կրթաթոշակ, որը նրան թույլ է տվել սովորել Գերմանիայում։ 1846 թվականին նա ինքն է կարողացել վճարել Փարիզ կատարած կարճ ուսումնական ճամփորդության համար[7]։ Լյովմանը մի անգամ խոստովանել է, որ ուսումնական ճամփորդությունները ընդլայնել են իր պատկերացումներն արվեստի մասին, բայց քիչ ազդեցություն են ունեցել իր գեղանկարչության վրա[8]։
Քրիստինա Լյովմանը երկար ժամանակ իր սեփական տանը զբաղվել է աղջիկներին գեղնկարչություն սովորեցնելով։ Նրա աշակերտներից են եղել դերասանուհի Յոհաննա Լուիզա Հեյբերգը, գրող Բենեդիկտ Արնեսեն Կալը և նրա զարմուհի Էլեոնորա Չերնինգը, որը նույնպես հաջողակ նկարչուհի է դարձել[7]։
Քրիստինա Լյովմանը մահացել է 1872 թվականի ապրիլի 10-ին և թաղված է Կոպենհագենի Ասիստենս գերեզմանատանը։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Kunstindeks Danmark (դան.)
- ↑ 2,0 2,1 2,2 2,3 2,4 2,5 2,6 2,7 https://www.geni.com/profile/index/6000000012304172933
- ↑ 3,0 3,1 3,2 3,3 3,4 3,5 3,6 3,7 https://prabook.com/web/person-view.html?profileId=2508260
- ↑ 4,0 4,1 4,2 Union List of Artist Names — 2021.
- ↑ 5,0 5,1 Geni(բազմ․) — 2006.
- ↑ «Christine Løvmand», Den Store Danske
- ↑ 7,0 7,1 7,2 «Christine Løvmand (1803—1872)», Dansk kvindebiografisk Leksikon
- ↑ «C. W. Eckersberg og hans elever», Statens Museum for Kunst, 1983, p. 118.
![]() | Վիքիպահեստն ունի նյութեր, որոնք վերաբերում են «Քրիստինա Լյովման» հոդվածին։ |
|