Ֆրանսիական համբույր
Անվան այլ կիրառումների համար տե՛ս՝ Ֆրանսիական համբույր (այլ կիրառումներ)
Ֆրանսիական համբույր (երբեմն՝ խորը համբույր, լեզվով համբույր), սիրային համբույրի տեսակ, որտեղ մասնակիցների լեզուները դիպչում են իրար կամ մյուս մասնակցի շուրթին[1][2]։ «Լեզվով համբույրը» գրգռում է համբուրվողի շուրթերը, լեզուն և բերանը, որոնք դիպչելու հանդեպ զգայուն են և առաջացնում են ֆիզիոլոգիական սեռական գրգռվածություն։ Բերանի շրջանը մարմնի գլխավոր էրոգեն զոնաներից է։
Ստուգաբանություն
[խմբագրել | խմբագրել կոդը]Համբույրի տեսակն այսպես է կոչվում, քանի որ 20–րդ դարի սկզբում անգլախոս աշխարհում ֆրանսիացիները ձեռք էին բերել ավելի համարձակ և կրքոտ սեռական կյանք ունեցողի համբավ։ Ֆրանսիայում այն հայտնի է un baiser amoureux («սիրահարի համբույր») կամ un baiser avec la langue («լեզվով համբույր») անվամբ՝ չնայած նախկինում կոչվում էր baiser Florentin («ֆլորենցիական համբույր»)։
Տեխնիկա
[խմբագրել | խմբագրել կոդը]Լեզվով համբույրը համարվում է համբույրի ամենաինտիմ ձևերից մեկը։ Որոշ սեքսոլոգների կարծիքով իսկական սիրային համբույրը առանց լեզվի մասնակցության չի լինում[3][4]։
«Ֆրանսիական համբույրի» ժամանակ տեղի է ունենում ողնուղեղային նյարդերի, ներզատական գեղձերի, ենթաստամոքսային գեղձի ակտիվացում՝ առաջացնելով սեռական գրգռում[1]։
Ֆրանսիական համբույրը համարժեք է «սամայանայի» տեխնիկային, որը նկարագրված է Կամասուտրայում։ Կամասուտրան նկարագրում է նաև լեզվով համբույրների տարբեր ձևեր, որոնք վերաբերում են սամայանային.
- «աղաց»՝ մի մասնակիցը լեզուն պտտում է մյուս մասնակցի բերանի մեջ,
- «նրբին համբույր»՝ մի մասնակիցը տանում է լեզուն մյուսի բերանի մեջ և սահեցնում քիմքով,
- «թագավորական համբույր»՝ լեզվի սահեցնելը ատամների վրայով և տանելը դեպի այտերը,
- «խայթիչ համբույր»՝ զուգընկերոջ շուրթերի ծծելը` կտրուկ և կարճ տանելով լեզուն զուգընկերոջ բերանը[5]։
«Ֆրանսիական համբույրի» ժամանակ տեղի է ունենում թքի ավելի ուժգին փոխանակում, քան սովորական համբույրի ժամանակ։ Դա կարող է գրգռողաբար ազդել զուգընկերոջ վրա, կամ, հակառակը, վանել նրան[6]։
Վարակվելու ռիսկեր
[խմբագրել | խմբագրել կոդը]Ֆրանսիական համբույրի ժամանակ կա HPV–ով վարակվելու չափավոր ռիսկ[7]։ ՄԻԱՎ–ով վարակվելու հավանականությունը չափազանց փոքր է, և կարող է պատահել միայն շուրթերի կամ լնդերի արյունահոսության պարագայում[8][9]։ Միացյալ Նահանգների «Հիվանդությունների կառավարման և կանխարգելման կենտրոն» ինստիտուտը ֆրանսիական համբույրի ընթացքում հեպատիտ B-ով վարակվելու հավանականությունը քիչ հավանական է համարել[10]։ Երբեմն սիֆիլիսը կարող է փոխանցվել ֆրանսիական համբույրի ընթացքում[11], բայց սովորաբար միայն ակտիվ ախտահարվածի հետ շփվելու ընթացքում[12]։ Փոքր է նաև սուսանակով վարակվելու հավանականությունը[13]։
Ծանոթագրություններ
[խմբագրել | խմբագրել կոդը]- ↑ 1,0 1,1 Исаев Д. Д. Фазы сексуальных реакций: Поцелуй // Иллюстририванная энциклопедия сексуальности. — СПб.: Продолжение жизни, 2002. — 368с. — С. 85
- ↑ Zungenkuss // Wissen.de (գերմ.)
- ↑ Поцелуй // Сексологическая энциклопедия
- ↑ Поцелуй: приятное с полезным Արխիվացված 2014-10-27 Wayback Machine // AIDS Journal
- ↑ Камасутра поцелуев Արխիվացված 2014-10-27 Wayback Machine // Здоровье.com
- ↑ Die schönsten Arten zu küssen: Der französische Kuss Արխիվացված 2014-10-27 Wayback Machine // GoFeminin.de (գերմ.)
- ↑ «French kissing ups risk of oral HPV infection». Reuters. 2009 թ․ մայիսի 12. Արխիվացված է օրիգինալից 2015 թ․ ապրիլի 21-ին. Վերցված է 2015 թ․ մայիսի 12-ին.
- ↑ «Man with HIV may have infected partner with a kiss». CNN. 1997 թ․ հուլիսի 10. Վերցված է 2015 թ․ մայիսի 12-ին.
- ↑ «HIV/AIDS 101» (PDF). The CDC. June 2012. Վերցված է 2015 թ․ մայիսի 12-ին.
- ↑ «Hepatitis B» (PDF). CDC. 2012 թ․ մայիսի 8. Վերցված է 2015 թ․ մայիսի 12-ին.
- ↑ «Syphilis Symptoms, Causes, and Diagnosis». WebMD. Վերցված է 2015 թ․ մայիսի 12-ին.
- ↑ Fantry, M.D., M.P.H., Lori E.; Tramont, M.D., F.A.C.P., Edmund C. «Treponema Pallidum (Syphilis)». Վերցված է 2015 թ․ մայիսի 12-ին.
{{cite web}}
: CS1 սպաս․ բազմաթիվ անուններ: authors list (link) - ↑ Connelly, D.D.S., Thomas P. (2012 թ․ հունվարի 23). «Oral Gonorrhea? Yes, You Can Get Gonorrhea of the Mouth and Throat». The Huffington Post. Վերցված է 2015 թ․ մայիսի 12-ին.
Արտաքին հղումներ
[խմբագրել | խմբագրել կոդը]![]() |
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Ֆրանսիական համբույր կատեգորիայում։ |