Guerra Mexican-Statounitese
![](http://178.128.105.246/cars-http-upload.wikimedia.org/wikipedia/commons/thumb/a/a7/Nebel_Mexican_War_12_Scott_in_Mexico_City.jpg/220px-Nebel_Mexican_War_12_Scott_in_Mexico_City.jpg)
Le Guerra Mexican-Statounitese (1846-1848) resultava in un victoria pro le Statos Unite de America, le qual fortiava Mexico perder multe territorio, ora le sud-west del SUA.
Le guerra comenciava con le fin del Guerra pro le Independentia de Texas in 1836. Mexico habeva signate un tractato de capitulation, totevia le pais ancora disputava le frontiera proxime al fluvio Rio Grande. Texas deveniva un stato del SUA, e soldatos del ambe nationes habeva patrulias secundo le frontiera del Mexico e Texas.
Le presidente statounitese James Polk habeva un politika de "Manifest Destiny", le credentia que le Statos Unite debeva attinger del Atlantico al Pacifico. In le principio ille offereva Mexico moneta, 30.000.000 dollares, pro le territorio del sud-west, ma Mexico refusava. Polk alora ordinava un parve patrulia al territorio disputate. Soldatos mexican tirava contra le patrulia. Polk pretendeva que le patrulia esseva in territorio statounitese, e le congresso del SUA declarava un guerra contra Mexico in 1846.
Totevia le congresso non voleva dar multe moneta pro le guerra. La armea statounitese esseva multo parve. Le commandante del armea statounitese esseva le general Winfield Scott. Mexico seligeva Antonio López de Santa Anna pro conducer su armea, le mesme general qui habeva lo conducite durante le Guerra del Independentia de Texas.
In le principio, le armea mexican quasi vinceva le statouniteses. Santa Anna permitteva un parte del armea fugir, proque ille credeva que illes esseva troppo damnate a retornar se. Ma le parve armea se reorganisava e combatteva plus efficacemente. Le armea de Santa Anna habeva generales disobediente e soldatos povre con vestimentos insufficiente. Dunque le statounitese vinceva e al fin capturava le Citate de Mexico in 1847. Le Tractato de Guadalupe-Hidalgo in 1848 donava multe territorio del sud-west del SUA presente al SUA in excambio de 15.000.000 dollares.
Le resultatos del guerra
[modificar | modificar fonte]- itese poteva viagiar al costa de Pacifico e California plus facilemente.
- Officieros del guerra ganiava experientia per le guerra. Ambe conductores del Guerra Civil Statounitese, Ulysses Grant, le commandante futur del Nord, e Robert Lee, le commandante futur del Sud, combatteva in le Guerra Mexican-Statounitese. Le guerra civil esseva un del guerras plus sanguinose del historia del tote mundo.
- Le constitution del Mexico prohibeva le sclavitude. Le victoria del SUA possibilemente postponeva le libertate de sclavos in le SUA.
Referentias
[modificar | modificar fonte]https://www.battlefields.org/learn/articles/mexican-war-overview
https://www.pbs.org/wgbh/americanexperience/features/grant-mexican-american-war/
https://www.history.com/topics/19th-century/mexican-american/war