Edward Said
![](http://178.128.105.246/cars-http-upload.wikimedia.org/wikipedia/commons/thumb/a/a6/Edward_Said_Crop.jpg/220px-Edward_Said_Crop.jpg)
Edward Wadi Said, (en l'Arabiana إدوارد وديع سعيد, idward wadi sa-id; naskis la 1ma di novembro 1935 en Ierusalem, mortis la 25ma di septembro 2003 en New York) esis, ultre famoza literatur-teoriisto e kritikisto, anke tre konocata Palestinan aktivisto.
Said naskis en richa kristana familio, kun palestinan-usana patro e palestinan-libanana matro. Dum la Nakba li fugis a Kairo, ube il kreskis inter mondala literaturo ed opero, pleis piano e vizitis teatri. Ye evo dekekin il iris a New York por studiar[1].
Said multe skribis pri kulturo, povo e politiko, ma precipue esas konocata pro sua kritiko pri l'ocidentala percepto dil oriento, specale la mondo Arabiana. Ilua maxim konocata verko esas Orientalismo (1978).
Edward Said esis (til sua morto) fervoroza luktero por l'afero Palestina. Il defensis la yuro di nedependanteso di palestinani e kritikis la suporto dal ocidento por Israel, omno - segun lu - fondita sur orientalismala vizioni pri Israel. Said favoris la 'du-stata solvuro'. Tamen, il opozis l'Interkonsenti di Oslo (1993), pro ke il ne kredis ke Israel satisfacus l'interkonsento kreor Palestinana stato en 5 yari pos la signato dil interkonsenti. Ilua kritiko maxim ofte e forte vizis Yaser Arafat ed OLP. Abandoninta l'ideo di du-stata solvuro (1999) il nur kredis ke binaciona sekulara stato esas posibla, en qua omni esez egala. Segun lu, to esis l'unika restaurant e fruktifanta posibleso por kultural interexisto di palestinani ed israelani[2].