Europana Konsilistaro
![](http://178.128.105.246/cars-http-upload.wikimedia.org/wikipedia/commons/thumb/f/f6/Tratado_de_Lisboa_13_12_2007_%2808%29_edited.jpg/280px-Tratado_de_Lisboa_13_12_2007_%2808%29_edited.jpg)
L'Europana Konsilistaro esas un ek la 7 institucuri del Europana Uniono. Ol esas kunveno inter la 28 statestri dil Europana Uniono e la Prezidanto dil Europana Komisitaro. Ordinare, omnayare eventas quar renkontri di la Konsilistaro.
La renkontri tradicionale eventis che la lando qua lore tenis la Prezidanteso dil Europana Uniono. Tamen, en 2002 decidesis dum la renkontro di Nice ke la duimo de la sequanta renkontri dil Europana Konsilistaro eventus en Bruxel, e pos 2004 omna renkontri eventabas ibe.
Ca decido havis du motivi. Unesme, lor la kresko dil Europana Uniono a 18 o plusa membri, gastigar la reprezenteri di la membrostati divenus komplexa. Duesme, Belgia minacis tardigar l'adopto di la Traktato di Nice pro konsiderar ol "minaco" a la povo ed a l'institucuri de la mikra stati. Do decidesis organizar la sequanta konferi en Bruxel, por kurajar Belgia aceptar l'interkonsento.
![](http://178.128.105.246/cars-http-upload.wikimedia.org/wikipedia/commons/thumb/8/8a/Familiefoto_europese_raad_2011.jpg/580px-Familiefoto_europese_raad_2011.jpg)
Altra renkontri dil Europana Konsilistaro
[redaktar | redaktar fonto]- Renkontro dil Europana Konsilistaro en Laeken
- Renkontro dil Europana Konsilistaro en Gotenburg