Insulo Caroline
![](http://178.128.105.246/cars-http-upload.wikimedia.org/wikipedia/commons/thumb/3/39/CarolinePic-Kepler-South.jpg/320px-CarolinePic-Kepler-South.jpg)
Insulo Caroline esas la maxim estala del nehabitata koralia atoli qui konstitucas la sudala Lineo-Insuli en la centrala Pacifika Oceano.
Unesme vidita da europani en 1606 e pretendita da Britania en 1868, ol esas parto del Republiko Kiribati depos la sendependesko dil insulo-naciono en 1979.
Malgre mino di guano, rekolto di kopro, e habiteso da homi dum la 19ma e 20ma yarcenti, Insulo Caroline restas relative nechanjita kompare altra tropikal insuli.
Ol esas la hemo di un ek la maxim granda kolonii dil kokoso-krabo dil mondo, ed esas importanta geniteyo por mar-uceli, maxim notinde l'alcedo fuliginoza.
L'atolo konocesas pro sua rolo en festi cirkonde l'arivo dil yaro 2000. Pos rialinio en 1995 dil Internaciona Dato-Lineo, Insulo Caroline esas la maxim estala lando weste del Dato-Lineo, e tale un ek l'unesma loki sur Tero qui vidis sunlevo en la yaro 2000.