Relluætt
Rellur og vatnahænsn | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
![]() Gallinula tenebrosa
| ||||||||||||||||||
Vísindaleg flokkun | ||||||||||||||||||
|
Relluætt (fræðiheiti Rallidae) er ætt fugla sem skipt er í tvær undirættir. Af annarri er eingöngu til ein tegund sem lifir í Afríku en hin er rellur (rallinae). Til hægðarauka er rellum stundum skipt í tvo hópa, eiginlegar rellur og svo vatnahænsn en reyndar eru ekki glögg skil á milli þeirra. Á íslensku eru vatnahænsn með viðskeytið -hæna en rellur með viðskeytið -rella. Rellur eru einsleitur hópur fugla, felugjarnir fuglar þannig á lit að auðvelt er að fela sig í gróðri. Vatnahænsn eru meira áberandi og mörg þeirra eru litskrúðug. Vistsvæði flestra rellna er votlendi eða þéttur skógur, sérstaklega þar sem gróður er mikill.
Rellur eru flugþolnir fuglar og hafa numið lönd á mörgum úthafseyjum og myndað þar nýjar tegundir sem sumar eru nú útdauðar. Keldusvín (Rallus aquaticus) er dæmigerð rella en nafnið endar ekki á rella vegna þess að þetta er gamalt nafn í íslensku þar sem keldusvín var einu sinni alltíður varpfugl á Íslandi. Nafni fuglsins engjasvín var hins vegar breytt í engirella í Fuglabók AB þar sem sá fugl var lítt þekktur á Íslandi og nafnið hafði enga hefð í íslensku.
Á Íslandi hafa fundist þessar tegundir
- Keldusvín Rallus aquaticus Sjaldséð
- Dílarella Porzana porzana Sjaldséð
- Engirella Crex crex Sjaldséð við hættumörk
- Sefhæna Gallinula chloropus Sjaldséð
- Flóðhæna Porphyrio martinica Sjaldséð
- Bleshæna Fulica atra Sjaldséð
- Kolhæna Fulica americana Sjaldséð
Heimild
[breyta | breyta frumkóða]![](http://178.128.105.246/cars-http-upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)