Kebaya
![](http://178.128.105.246/cars-http-upload.wikimedia.org/wikipedia/commons/thumb/8/8f/Kebaya_in_Bandung.jpg/250px-Kebaya_in_Bandung.jpg)
Kebaya ya iku blus tradhisional kang dienggo wong wadon ing Indonésia.[1] Kebaya digawé saka bahan kang tipis lan lumrahé dienggo karo sarung, sléndhang, jarik utawa bathik.[1] Kebaya uga kena dienggo karo songket lan klambi tradhisional liyané.[1] Kebaya asalé saka tembung arab abaya kang tegesé sandhangan.[1] Sadurungé taun 1600 ing Pulo Jawa, kebaya mung dienggo karo kulawarga krajan.[1] Ing jaman jajahan Walanda wong Éropah banjur nganggo kebaya.[1] Kebaya dadi klambi resmi.[1] Kebaya banjur divariasi wujud lan motifé, ana kang nganggo kain sutra, nganggo sulaman warna-warna. Saiki kebaya uga dhimodifikasi karo rok lan clana jean.[1] Kebaya uga duwé model kang warna-warna. Ana kang simétris lan asimétris.[1] Kebaya dimodifikasi karo payèt, bordiran lan renda-renda.[1] Sabe laladan ing Indonésia duwé kebaya khas dhéwé-dhéwé, kaya ta kebaya Jawa, kebaya Bali, lan liya-liyané.[1]
Sandhangan kang mirib kebaya diarani nyonya kebaya.[1] Sandhangan iki digawé karo wong-wong pranakan Melaka. Wong-wong iku nganggo sandhangan iki karo sarung lan sepatu kanthi rerenggan manik-manik kang diarani kasut manek.[1]
Kebaya duwé lengen kang dawa, lumrahé dienggo karo ngisoran kang dawa.[2] Kebaya iku sandhangan kang mirunggan dianggo wong wadon.[2] Kebaya lumrahé dienggo ing acara resmi kaya ta nganténan, resépsi, kartininan, lan acara-acara penyambutan tamu agung.[2]
Pranala njaba
[besut | besut sumber]- Dokumen konferensi
- Kebaya Anne Avantie
- Indonésian Traditional Textiles
- Kebaya: Ini Indonésia Archived 2011-10-25 at the Wayback Machine.
- Model Baju Kebaya untuk Wisuda Archived 2016-03-02 at the Wayback Machine.
Cathetan suku
[besut | besut sumber]
Artikel iki minangka artikel rintisan. Kowé bisa ngéwangi Wikipédia ngembangaké. |