Lemur
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
![](http://178.128.105.246/cars-http-upload.wikimedia.org/wikipedia/commons/thumb/1/1f/Ring_tailed_lemurs.jpg/220px-Ring_tailed_lemurs.jpg)
Lemur, kang asalé saka basa Latin lemures, ya iku kéwan saka ordho primata kang urip lan manggon ing Madagaskar, Afrika.[1] Teges saka tembung lemures iki ya iku makluk utawa 'arwah ing wayah wengi' utawa 'memedi'.[1] Babagan iki bisa waé amarga wujud mata kéwan iki bisa mantulaké cahya ing wayah wengi lan bebarengan karo jleritané kang banter.[2]
Sebaran lan dunungé
[besut | besut sumber]Kabèh lemur amung tinemu ing Madagaskar, salah sijiné pulo ing pérangan wétan Afrika.[3] Sanajan ana salah sijiné pulo, lemur urip ing pira-pira habitat.[2] Pirang-pirang urip ing alas tropis, sawentara kang liya urip ing ara-ara kang garing.[4] Ana 6 jinis lemur kang kasebar ing Madagaskar, ya iku L.macoco kang ingaran lemur ireng kanthi habitat ing pérangan kulon Madagaskar; L.Fulvus ya iku lemur soklat kang urip ing pulo Comoros; L.mongoz ing kulon Madagaskar; L.rubiventer ing pérangan wétan lan tengah pulo; L.coronatus ing pérangan lor; sarta L.catta kang buntute belang lan urip ing pérangan kidul pulo Madagaskar.[5]
Pawakan
[besut | besut sumber]Dawa endhas dan awak lemur ya iku antara 28 nganti 56 sèntimèter, wondéné dawa buntut lemur antarané 28 nganti 65 sèntimèter.[6] Lemur duwé buntut kang dawa lan belang, kanthi belang ireng-putih kang selang-seling.[3] Awak warna abang-soklat kanthi tambahan klawu ing rambute karo pérangan ngisor awak warna putih, tangan lan sikilé uga ana rambut kang wernané putih.[3] Bagiyan rai lemur iki warna putih kanthi bercak soklat ireng ing kiwa-tengené mata, mata wernané soklat, lan pérangan cangkeme wernané ireng.[3] Kuping lemur duwé rambut wernané putih, lumancip lan meh padha karo kuping kucing.[7] Lemur lanang lan wédok gedhéné padha kanthi abot sakiwa-tengené 2 nganti 4,5 kg lan gumantung saka jinis sepèsièsé.[6]
Jinise Lemur
[besut | besut sumber]Aye-aye
[besut | besut sumber]Aye-aye wujud kéwan paling anèh ing donya. Lemur kang saba ing wayah wengi lan kang kerep ndhéwé iki katon kaya wujud campuran saka pira-pira variasi kéwan. Aye-aye mèh padha kucing kang kang gedhé nanging duwé rai kang mèh padha ferret utawa weasel (sajinis garangan), kuping mèh padha lower kang bisa muter kanthi bébas, untu kang thukul kanthi ajeg mèh padha untu kéwan ngrikiti, sapasang mata ijo kang awas, lan sapasang tangan ireng kanthi balung driji tengah kang nonjol ngélingaké marang pang garing. Aye-aye nggunakaké driji mau kanggo njupuk sèt gegremet kang ngumpet ing njero kulit wit, mangan wewiji lan woh-wohan. Sinambi mènèk pang wit, aye-aye nuthuk-nuthuk lumah kulit wit lan ngrungokake suwara growongan ing jero kayu. Nalika krungu ana panganan ing ngisor kulit kayu, aye-aye bakal ngrokoti kayu kanggo njupuk panganané.
Verreaux's Sifaka
[besut | besut sumber]Verreaux's Sifaka urip ing alas garing Madagaskar kulon lan lor kanthi mangan gegodhong, woh-wohan, lan kembang-kembangan. Sifaka duwé jeneng sebutan, nanging sebutan kang paling kaloka ya iku ”lemur jogèd” amarga solahé nalika lumaku ing lemah.
Réferènsi
[besut | besut sumber]- ↑ a b Situs Kumpulan Remaja Pecinta alam.
- ↑ a b "Situs Mongbay Indonésia". Diarsip saka sing asli ing 2021-05-07. Dibukak ing 2012-12-12.
- ↑ a b c d Situs Macnature : Lemur ekor cincin
- ↑ (en)Anderson, Norman D; Walter R. Brown (1984). Lemurs. New York: Dodd, Mead. kc. 56. ISBN 0396084540.
- ↑ (en)Peter, J.J; A. Petter Roseaux (1979). Classification of the Prosimians. London: Academic Press. kc. 1–44.
- ↑ a b Situs Animals Jrank: Lemurs
- ↑ "situs Mongbay Indonésia: Wild Life Lemurers". Diarsip saka sing asli ing 2021-05-07. Dibukak ing 2012-12-12.