Nyepi
![](http://178.128.105.246/cars-http-upload.wikimedia.org/wikipedia/commons/thumb/c/c6/Ogoh-Ogoh---Ubud_Football_Field-Red_one_with_kids.jpeg/250px-Ogoh-Ogoh---Ubud_Football_Field-Red_one_with_kids.jpeg)
Nyepi (Carakan: ꦚꦼꦥꦶ) ya iku dina riyayané umat Hindhu kang dirayakaké saben taun anyar Saka. Dina riyaya iki dipèngeti kanthi itungan Tilem Kesanga kang pinercaya dadi dina kanggo nyucèkaké para déwa ing tengah samodra kang nggawa intisari amerta, saéngga umat Hindhu nglakoni puja sembahyang kanggo para déwa.[1].
Pangertèn Nyepi
[besut | besut sumber]Nyepi saka tembung sepi. Dina riyaya Nyepi sajatiné pèngetan taun anyar utawa tanggap warsaning umat Hindhu kanthi pananggalan Caka, kang diiwiwiti saka taun 78 Masehi. Béda karo pèngetan taun masèhi, tanggap warsa Caka ing Bali diwiwiti kanthi nyepi. Ora ana pawiyatan kaya racaké. Kabèh pegawéan prèi, uga papan-papan umum, kaya ta griya sakit, sekolah lan sapinunggalané. Ancas mligi dina riyaya ya iku nyenyuwun dhumateng Gusti kang murbèng dumadi, maha kuwasa lan maha asih, kanggo nyucèkaké Buwana Alit lan Buwana Agung. Sadurungé dina riyaya Nyepi, ana sawetara reroncèning upacara kang dilakoni umat Hindhu, mliginé masarakat ing Bali