Wedhak
Praèn
![](http://178.128.105.246/cars-http-upload.wikimedia.org/wikipedia/commons/thumb/2/2f/Bedak_utawa_Wedhak.jpg/220px-Bedak_utawa_Wedhak.jpg)
Wedhak yaiku salah sawijining jinis kosmètik kang dianggo ing rai. Wedhak duweni partikel kang alus. Ana 2 jinis wedhak yaiku wedhak padhet lan wedhak tabur. Loro-loroné duwé ancas yaiku kanggo mutihaké rai, nyamaraké totol ireng, lan mbiyantu rai supaya ora katon nglenga. Wédhak tabur iku jumbuh kanggo kulit sing nglenga lan kukulen amarga wedhak tabur ora nutup pori-pori sing ana ing rai saèngga ora nggawé komédho lan nuwuhaké kukul. Wedhak padhet iku jumbuh kanggo kulit sing wérnané ora rata amarga bisa madhakaké werna kulit ing rai. Sakdurungé nganggo wedhak biasané nganggo alas wedhak utawa palembap luwih dhisik supaya awèt suwé.