DHL
![](http://178.128.105.246/cars-http-upload.wikimedia.org/wikipedia/commons/thumb/a/ac/DHL_Logo.svg/250px-DHL_Logo.svg.png)
DHL (დი-ეიჩ-ელ) — გერმანული საერთაშორისო კომპანია, მსოფლიო ლოგისტიკის ბაზრის ერთ-ერთი ლიდერი.
კომპანია დაფუძნდა 1969 წელს სან-ფრანცისკოსა და ჰონოლულუს შორის საბუთების ტრანსპორტირებისათვის, მაგრამ მალევე DHL-მ მთელი მსოფლიოს მასშტაბით გააგრძელა საქმიანობა. ამჟამად იგი „Deutsche Post DHL Group“-ის წევრია. კომპანიის სათავო ოფისი მდებარეობს ბონში (გერმანია).
დაარსდა 1969 წლის 20 სექტემბერს, როგორც საკურიერო მომსახურება საფოსტო გზავნილების ტრანსპორტირებისთვის სან-ფრანცისკოსა და ჰონოლულუს შორის. კომპანიის სახელი მისი დამფუძნებელთა გვარების პირველი ასოებიდან გამომდინარეობს — ადრიან დელსი, ლარი ჰილბომი და რობერტ ლინი.
DHL-ი ახორციელებს სწრაფი გზავნილებისა და დოკუმენტების მიწოდებას 220-ზე მეტი ქვეყნის (მათ შორის საქართველო) 120 000-ზე მეტ ქალაქში. კომპანიას გააჩნია 5 000-ზე მეტი ოფისი და დაახლოებით 76 000 მანქანა გზ��ვნილებისა და ტვირთის გადაზიდვისთვის.
ბრენდი DHL-ი აერთიანებს ოთხ შვილობილ კომპანიას: DHL Supply Chain — მიწოდებათა ჯაჭვის მართვა, DHL Global Mail — საფოსტო მომსახურება, DHL Global Forwarding — ავია გადაზიდვები, საზღვაო გადაზიდვები, მულტიმოდალური გადაზიდვები, DHL Freight — სახმელეთო გადაზიდვები.