Алмұртшөптер тұқымдасы
![](http://178.128.105.246/cars-http-upload.wikimedia.org/wikipedia/commons/thumb/0/0d/DwPinkwintergreen.jpg/200px-DwPinkwintergreen.jpg)
Алмұртшөптер тұқымдасы (Pyrolaceae) – көп жылдық мәңгі жасыл шөптесін өсімдіктер тұқымдасы. Солт. жарты шардың қоңыржай және салқын аймақтарында кездесетін 4 туысы, 30-ға жуық түрі белгілі. Қазақстанда көбіне ылғалды, мүкті ормандарда өсетін 4 туысы, 9 түрі бар. А. т-ның көпшілік түрінің жер бетіне өте таяу топталып өскен жылтырақ жапырақтары болады. Олардан шашақты гүлшоғыры бар гүл жебе сабағы жетіледі. Гүлдері 4 – 5 бөлікті, қос жынысты, аталығы 10, аналығы – біреу. Көп жылғы зерттеулердің қорытындысы бойынша А. т-на жататын өсімдіктер гүлдерінің дамуы екі сатыдан тұратындығы анықталды. Бірінші сатысында гүлдер (жәндіктер немесе ауа ағымы арқылы) айқас тозаңданады, ал екінші сатысында айқас тозаңдану болмаса, аталық пен аналық жыныс клеткалары өсімдіктің өздігінен тозаңдануына жағдай жасайды. Жемісі – өте көп ұсақ тұқымы бар құрғақ қорапша.