Язықтар
![](http://178.128.105.246/cars-http-upload.wikimedia.org/wikipedia/commons/thumb/4/4a/Crimea_2nd_century_BC_map.png/120px-Crimea_2nd_century_BC_map.png)
Язықтар (жазықтар, жазықтан келгендер) – көне тайпа. Антикалық деректерге қарағанда, сарматтардың бір тайпасы Язықтар деп аталған. Олардың саяси тарихы мен мәдениеті сарматтармен өте тығыз байланысты. Дерек көздерінде языгтар көшпелі мал шаруашылығымен айналысып, рулық жүйені бастан кешіргендігі жазылған. Язықтардың сыртқы саясаты Риммен күрес аясында өрбіген. Соған байланысты бірқатар римдік деректемелерде атаулары сақталып қалған. Осы мәліметтер бойынша олар Дунай жағалауындағы Рим провинцияларына жиі-жиі шабуылдар жасап тұрған. Тіпті б.з.б. 69 ж. қыста Мезияға басып кіріп, Римнің екі когортын жойып жіберген. Бірақ келесі жылы мол әскер күшімен келген римдіктер оларды басып жаныштады. Б.з. I ғасырның орта тұсындағы деректерде языгтардың мекендеген негізгі орталығы Дунай мен Тиса өзендері аралығы деп көрсетіледі. Олардың бір бөлігі Рим империясының шекараларына жақын келіп қоныстанған. Қалғандары Орталық Еуропаның байырғы халықтарымен араласып кетті. [1]
Дереккөздер:
[өңдеу | қайнарын өңдеу]- ↑ Қазақ энциклопедиясы, 10 - том
![]() | Бұл мақаланы Уикипедия сапа талаптарына лайықты болуы үшін уикилендіру қажет. |
![]() |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |