Ambracia
Ambracia (Graece Ἀμβρακία, Ἀμπρακία) fuit urbs Graeca antiqua, Corinthiorum colonia, 7 m.p. a Sinu Ambracio distans et ad ripas fluminis Arachthi iacens. Condita est inter annos fere 650 et 625 a.C.n. duce Gorgo Cypseli filio. Plerosque incolas amisit cum Augustus Nicopolim per synoecismum condidit. Ruinae Ambraciae iuxta urbem hodiernam Artam reperiuntur.
Bello Peloponnesiaco Ambraciotae Corinthiorum et Lacedaemoniorum socii fuerunt quibus navales copias praestiterunt[1]. Hieme 426/5 a.C.n. insignem cladem ab Acarnanis et Atheniensibus in Amphilochia acceperunt adeo ut rerum gestarum scriptor Thucydides[2] existimarit hanc cladem pro civitatis magnitudine e toto bello maximam fuisse, quae quidem tam brevi temporis spatio uni civitati accidisset. Corinthii trecentorum virorum praesidium statim miserunt qui urbem defenderent.
Notae
[recensere | fontem recensere]- ↑ Thucydides II.80.
- ↑ Historiae III.105-114
Fontes
[recensere | fontem recensere]- Aristoteles, Politica V.4.9
- Strabo, Geographica V.23.3 et VII.7.6
- Thucydides libro secundo de Bello Peloponnesiaco 68 et libro tertio 105-114
Bibliographia
[recensere | fontem recensere]- "Ambracia" in Encyclopaedia Britannica. 11a ed. (Sicagi, 1911) html djvu
- N. G. L. Hammond, "Ambracia" in Simon Hornblower, Anthony Spawforth, edd., Oxford Classical Dictionary. 3a ed. (Oxonii, 1996. ISBN 0-19-521693-8)
![]() |
Vicimedia Communia plura habent quae ad Ambracia spectant. |